7 млн 350 тысяч штрафу – шостае сёлета пакаранне гомельскаму фрылансеру
18 сакавіка 2016
Суддзя Мазырскага раённага суда Наталля Асадчая 17 сакавіка аштрафавала гомельскага журналіста-фрылансера Кастуся Жукоўскага паводле артыкула 22.9 КаАП на 35 базавых велічыняў (7 мільёнаў 350 тысяч рублёў). Яго прызналі вінаватым у нібыта “незаконным вырабе прадукцыі СМІ” – супрацы з тэлеканалам “Белсат” без акрэдытацыі ў беларускім Міністэрстве замежных спраў.
Пра суд у Мазыры фрылансер дазнаўся з SMS-паведамлення.
– Суд праходзіў без майго удзелу. У мяне сапсавалася машына, і я па тэлефоне папярэдзіў сакратарку суда, што не змагу прыехаць. Думаю, што мая прысутнасць нічога не змяніла б, – лічыць Жукоўскі.
Сёлета гэта ўжо шостая адміністрацыйная справа ў дачыненні да фрылансера.
Мазырская міліцыя склала пратакол на падставе сюжэта “Мазыр: спіртзавод банкрутуе”, паказанага на тэлеканале “Белсат” 9 лютага.
Сёлета, апроч Мазыра, Кастуся Жукоўскага судзілі за так званы “незаконны выраб прадукцыі СМІ” ў Калінкавічах, Карме, Буда-Кашалёве і двойчы ў Жлобіне. Сума штрафаў склала 45 мільёнаў 700 тысяч рублёў, а з улікам мінулагодніх аналагічных пакаранняў дасягнула сумы ў 77 мільёнаў 700 тысяч рублёў.
@bajmedia
На загад міністра інфармацыі ў Беларусі заблакавалі сайт «Мой Брест»
11.01.2024
Журналісты Беларускага расследавальніцкага цэнтра абвешчаныя ў міждзяржаўны вышук
31.07.2024
«Экстрэмісцкімі» прызналі інфармацыйныя рэсурсы оrsha.eu, «Народны рэпарцёр» у «Одноклассниках» і «Новы Час» у TikTok
20.06.2024
Абноўлены «Белсат» можа спыніць вяшчанне праз спадарожнік
15.07.2024
