Затрыманых у Мар’інай Горцы журналістаў вызвалілі. Забралі карту памяці
16 ліпеня 2015
Прэс-служба ГА "Беларуская асацыяцыя журналістаў"
Незалежныя журналісты, сябры ГА "БАЖ" Аляксандр Баразенка і Аркадзь Несцярэнка рабілі відэаздымкі ў Мар’інай Горцы (Мінская вобласць).
Затрыманне адбылося каля 14‑й гадзіны. Каля 17.15 стала вядома, што журналістаў вызвалілі, склаўшы пратаколы апытання і забраўшы карту памяці з відэазапісам.
Старшыня ГА «БАЖ», юрыст Андрэй Бастунец, які быў на сувязі з аператыўна-дзяжурнай службай Пухавіцкага РАУС і пазней з самімі журналістамі, паведаміў, што копію пратаколу вынятку Аляксандру Баразенку адмовіліся выдаць. Журналіст сфатаграфаваў дакумент і пакінуў запіс у кнізе скаргаў.
Нагадаем, што днём раней ў Рэчыцкім раёне (Гомельская вобл.) затрымлівалі на дзве гадзіны незалежных журналістаў Кастуся Жукоўскага і Наталлю Крывашэй.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
Кошт падпіскі на шматтыражныя прапагандысцкія выданні вырас за год на 14—18%
28.12.2023
Памёр Вадзім Александровіч, былы журналіст газеты «Белорусы и рынок»
08.12.2023
Фота воблака пылу з Сахары беларускай фатографкі трапіла на сайт часопіса Vogue
19.04.2024
У Telegram знайшлі невялікую, але небяспечную «дзіру», якой могуць скарыстацца сілавікі
30.04.2024
