Гомельская вобласць: Штраф за паклёп на ідэолага ў сацсетках
9 чэрвеня 2016
Адміністратара суполкі «Рудабельская паказуха» ў сацсетцы “Одноклассники” Андрэя Павука аштрафавалі на 2,1 млн рублёў (10 базавых велічынь) па абвінавачанні ў парушэнні арт. 9.2. КаАП (“Паклёп”).
Такое рашэнне прыняў 6 чэрвеня суддзя Акцябрскага раённага суда (Гомельская вобласць) Уладзімір Васілеўскі.
Пратакол быў складзены па заяве намесніка начальніка ідэалагічнай работы, культуры і па справах моладзі Акцябрскага райвыканкама Сяргея Зарычнага.
Падставай для звароту ў міліцыю стаў допіс Андрэя Павука, у якім ён выказваў падазрэнні наконт карумпаванасці чыноўніка. Сам адміністратар прызнае, што хацеў задаць пытанне, але атрымалася сцвярджэнне. Ён прынёс прабачэнні заяўніку ў судзе, але той не прыняў іх.
Нагадаем, што ў судзе Мінскага раёна цяпер адбываецца падобны судовы працэс: жыхарку Бараўлян Алену Максімаву падазраюць у знявазе намесніка начальніка ЖКГ Мінскай вобласці Валерыя Хахлова ў групе сацсеткі ВКонтакте «Боровляны – Защита Леса». Пратакол па арт. 9.3. КаАП склала ў пачатку мая РАУС Мінскага раёна па заяве пацярпелага.
А Мінскі гарадскі суд нядаўна разглядаў касацыйную скаргу 79-гадовага жыхара сталіцы Аляксандра Лапіцкага, якога ў сакавіку суд прызнаў вінаватым у абразе прадстаўнікоў улады, у тым ліку кіраўніка дзяржавы, і прызначыў прымусовае псіхіятрычнае лекаванне. Цяпер справу накіравалі на перагляд.
@bajmedia
Асуджаных журналістаў Яўгена Глушкова і Алеся Сабалеўскага МУС унёс у спіс «экстрэмістаў»
11.10.2024
У Ваўкавыску судзяць зняволенага блогера Паўла Вінаградава
06.12.2023
Белорусскому журналисту и режиссеру угрожает экстрадиция в Беларусь из Сербии
19.02.2024
У Баранавічах старшыня гарвыканкама зладзіў прэс-канферэнцыю для мясцовых блогераў
21.12.2023
