Пакуль Павел Дабравольскі здымаў пабоі, на калег журналіста выклікалі міліцыю

Фота Кацярыны Андрэевай з месца падзеяў

Разам з карэспандэнтам ва ўпраўленне прыехалі незалежныя журналісты Кацярына Андрэева і Андрэй Рабчык. Пры з’яўленні журналістаў супрацоўнікі ўстановы выклікалі міліцыянтаў, якія прыехалі праз лічаныя хвіліны. Міліцыянты забаранілі журналістам рабіць здымкі і ўвесь час знаходжання пільнавалі іх у памяшканні ўпраўлення.

Прыкладна праз гадзіну Паўлу ўдалося афіцыйна зарэгістраваць пашкоджанні.

– Са Следчага камітэта мне так ніхто і не патэлефанаваў, таму я разам калегамі паехаў сёння ва ўпраўленне Дзяржаўнага камітэта судовых экспертыз, прайшоў агляд і зафіксаваў пашкоджанні. Мне паведамілі, што вынік агляду будзе гатовы праз 2–3 дні. Яго я таксама збіраюся перадаць у Следчы камітэт, куды раней звярнуўся з заявай аб прыцягненні супрацоўнікаў міліцыі да адказнасці, – расказаў Дабравольскі прэс-службе ГА “БАЖ”

Пасля выхаду з упраўлення калегам удалося без перашкодаў пагутарыць з Паўлам, пасля чаго ўсе журналісты з’ехалі.

Збіццё Паўла Дабравольскага: ГА “БАЖ” патрабуе ўзбудзіць крымінальную справу

Павал Дабравольскі: з «Турызму і адпачынку» — на Данбас, з Данбасу — пад кулакі менскага АМАПу

Міліцыя: «Дабравольскі прабраўся ў службовае памяшканне і працягваў супрацьпраўныя дзеянні»