«Міжнародная амністыя»: улады Беларусі працягваюць пераслед журналістаў

У дакуменце гаворыцца, што беларускае заканадаўства абмяжоўвае свабоду слова, аб’яднанняў і мірных сходаў, у краіне працягваецца пераслед журналістаў, праваабаронцаў, прадстаўнікоў сексуальных меншасцяў, па-ранейшаму выносяцца прысуды аб смяротным пакаранні.

У дакладзе адзначаецца, што СМІ знаходзяцца пад кантролем дзяржавы, а незалежныя медыя і журналісты сутыкаліся з ўціскам. У прыватнасці, згадваюцца адмовы ў акрэдытацыі і штрафы журналістам, якія супрацоўнічаюць з замежнымі СМІ без акрэдытацыі.

Згадваюцца выпадкі блакавання праваабарончага сайта spring96.org, навінавых сайтаў «Хартыя’97», «Беларускі партызан», а таксама сайтаў інфармацыйнай кампаніі БелаПАН.