Законапраект для абароны дзяцей ад “дэструктыўнай інфармацыі” рыхтуецца да другога чытання

“Падрыхтаваны шматпланавы законапраект, які з’яўляецца вынікам калектыўнай працы тых, хто ў розных сферах абавязаны абараняць інфармацыйную прастору, выхоўваць маладое пакаленне і абмяжоўваць дзяцей ад дэструктыўнай інфармацыі”.

Міністэрства інфармацыі, па словах спн. Ананіч, працавала над дадаткамі да закона “Аб сродках масавай інфармацыі” і закона “Аб выдавецкай справе ў Рэспубліцы Беларусь”.

“Сутнасць прапанаваных паправак – увесці комплекс захадаў па абароне дзяцей ад інфармацыі, што наносіць шкоду здароўю, развіццю, маральнасці. Маркіроўка прадукцыі дазволіць бацькам звярнуць увагу на тыя інфармацыйныя прадукты, якія даступныя дзіцяці, гаворка ідзе і пра газеты, і пра часопісы, і пра тэлепраграмы”.

Маркіраваць прадукцыю, якая распаўсюджваецца ў друкаваным і электронным выглядзе, будуць у адпаведнасці з крытэрамі аднясення да той ці іншай узроставай катэгорыі, зазначыла міністр.

“У нашай краіне ў інфармацыйным кантэксце мы будзем весці гэтую працу эфектыўна – дзяцей трэба абараняць. Для бацькоў гэта будзе дадатковай падставай звярнуць увагу, што чытае дзіця, якія праграмы ён глядзіць. Упэўненая, у пэўнай ступені гэта сістэматызуе і дзейнасць сродкаў масавай інфармацыі – пасля ўнясення паправак у заканадаўства пэўныя змены павінны быць і ў сетцы вяшчання”, – падкрэсліла Лілія Ананіч.

Сваімі думкамі адносна законапраекта ўжо дзяліліся год таму журналісты і медыяэксперты. Галоўны рэдактар TUT.BY Марына Золатава казала, што не бачыць праблемы ў тым, каб размяшчаць на галоўнай старонцы сайта папярэджанне, што інфармацыя «можа ўтрымліваць матэрыялы 18+».  «У самым імкненні неяк пазначыць інфармацыю, якая можа апынуцца шкоднай для дзяцей, я не бачу нічога дрэннага. І справа бацькоў або апекуноў вырашаць, што рабіць з гэтай інфармацыяй. Калі ж выкананне закона запатрабуе ад рэдакцый экспертызы кожнага матэрыялу, то гэта ўжо стане праблемай», – кажа Марына Золатава.

«12+». В Беларуси защитят детей от вредной информации