Нямецкі саюз журналістаў піша пра мінскі “прафсаюзны” семінар для БАЖаўцаў

“Падвойная роля як узор” (Пераклад: Сяргей Паўлавіцкі).

“На гэтым тыдні намеснік старшыні федэральнага праўлення Саюза нямецкіх журналістаў DJV Вольфганг Грэбенхоф (Wolf­gang Greben­hof) на запрашэнне Фонда імя Фрыдрыха Эберта і Беларускай асацыяцыі журналістаў выступіў на семінары ў Мінску.

Асаблівую цікавасць 15‑і беларускіх удзельнікаў выклікала падвойная роля Саюза DJV як прафсаюза і прафесійнай суполкі. Калег уразіў шырокі спектр сервісных прапаноў для сяброў нямецкай арганізацыі: ад прававой абароны да ўдзелу у кангрэсах і вебінарах.

Выступоўца таксама праінфармаваў прадстаўнікоў беларускай асацыяцыі пра магчымасці штатных журналістаў ў Германіі ўплываць на прыняцце рашэнняў у арганізацыях, дзе яны працуюць, пра лабіяванне, досвед правядзення страйкаў і іншых форм змагання за свае працоўныя правы.

Дыскусія паказала, што сітуацыя з праблемамі журналістаў у дзвюх краінах мае надзіва шмат паралеляў. Праўда, у Беларусі сюды дадюцца яшчэ рэпрэсіі супраць супрацоўнікаў СМІ, якія крытычна ставяцца да ўладнага рэжыму Аляксандра Лукашэнкі, — дастатковая прычына для Грэбенхофа, каб выступіць у Мінску са словамі падтрымкі свабоды прэсы і слова.

Яе ўмацаванне, паводле слоў нямецкага эксперта, патрабуе міжнароднай салідарнасці журналістаў і моцных прафсаюзаў”.