Баранавіцкі райвыканкам адмовіў незалежнай газеце «Intex-press» у акрэдытацыі
19 мая 2016
Рэдакцыя «Intex-press» звярнулася ў райвыканкам з просьбай акрэдытаваць карэспандэнта Юлію Івашка. Аднак райвыканкам у лісце за подпісам намесніка старшыні Аляксандра Грыцкевіча ад 16 мая адказаў адмовай.
«Для асвятлення пасяджэнняў раённага выканаўчага камітэта на пастаяннай аснове запрашаюцца прадстаўнікі трох сродкаў масавай інфармацыі. Пашыраць гэты пералік у цяперашні час не плануецца», – гаворыцца ў адказе.
Усе тры акрэдытаваныя СМІ – дзяржаўныя, у тым ліку і раённая газета «Наш край», заснавальнікам якой з’яўляецца і Баранавіцкі райвыканкам.
«Баранавіцкі райвыканкам у сваім адказе не спаслаўся на палажэнне аб акрэдытацыі. Невядома нават, ці ёсць яно. Мы будзем абскарджваць гэтае рашэнне», – сказала службе маніторынгу ГА «БАЖ» юрыст ТАА «Выдавецкі дом «Інтэкс-прэс» Наталля Нарожная.
@bajmedia
У Брэсце за выкарыстанне дрона без дазволу фатографа пакаралі штрафам
30.10.2023
На загад міністра інфармацыі заблакавалі рэгіянальны сайт «Першы Пінскі»
03.01.2024
TVP мяняе структуру. «Белсат» і іншыя замежныя рэдакцыі пяройдуць пад кіраўніцтва аднаго цэнтру
04.07.2024
Стала вядома, за што палітвязень Ігар Лосік трапіў у ПКТ, дзе знаходзіцца паўгода
16.10.2023
