У Гродне ўшанавалі памяць Паўла Шарамета (фота)
21 ліпеня 2016
Гродзенскія журналісты ўвечары 20 ліпеня ўсклалі кветкі і запалілі знічы каля ганаровага консульства Украіны, якое знаходзіцца ў Гродне па вуліцы Замкавай. Гэтым яны ўшанавалі беларускага журналіста Паўла Шарамета, які загінуў раніцай 20 ліпеня ў Кіеве. Ушанаваць памяць прыйшлі прадстаўнікі незалежных СМІ горада, а таксама фатографы і блогеры.
Пра Паўла Шарамета ўзгадвае журналіст-фрылансер Алесь Кіркевіч, які вядзе блог на “Беларускім Партызане”:
- Апошні раз мы бачыліся гады паўтары таму ў Вільні. Мы паразмаўлялі нават на павышаных танах. У яго была сапраўды такая “тэма”: ён лічыў, што прабеларускія людзі, беларускія нацыяналісты дастаткова ненадзейныя – маўляў, калі Лукашэнка стане пад нацыянальныя сцягі, то яны ўсе да яго перабягуць. Але, як ні парадаксальна, менавіна ён ставіў на “Беларускі Партызан” мае артыкулы з выразнай пазіцыяй, і не было з гэтым ніякіх праблем. А апошні яго артыкул пра мову, пра нацыянальныя рэчы стаў своеасаблівым запаветам Паўла Шарамета. Таму я цешуся, што быў знаёмы з гэтым чалавекам. Гэта быў Журналіст з вялікай літары.
Пасля ўскладання кветак гродзенскія БАЖаўцы хвілінай маўчання ўзгадалі беларускага журналіста.
@bajmedia
Чарговы акаўнт брэсцкага блогера Сяргея Пятрухіна у Facebook прызналі «экстрэмісцкім»
09.09.2024
Сайт «Гомельскай праўды» праз тыдзень пасля атакі «Кіберпартызанаў» аднавіў працу з Беларусі
01.04.2024
Аксана Колб сышла з пасады галоўнага рэдактара
12.12.2023
Колькасць зняволеных журналістаў набліжаецца да рэкордна высокага ўзроўню. CPJ прадставіў сваю справаздачу за 2023 год
18.01.2024
