Сайт магілёўскай “Вясны” атакавалі невядомыя
17 жніўня 2016
16 жніўня з-за дзеянняў невядомых асобаў не працаваў сайт магілёўскага аддзялення закрытага уладамі праваабарончага цэнтра “Вясна” http://mspring.online.
Па словах журналіста сайта mspring.online Аляксандра Буракова (малодшага), хтосьці адмыслова спрабаваў заблакаваць доступ да сайта сістэмнаму адміністратару. Фактычна сайт быў цалкам зруйнаваны. Аляксандр Буракоў кажа, што пра нейкую тэхнічную памылку на серверы казаць не даводзіцца, бо з размешчаных на хостынгу чатырох сайтаў быў адмыслова знішчаны толькі Mspring.online.
Аднавіць працу і базу дадзеных сайта удалося толькі дзякуючы таму, што кожны дзень рабіліся бэкапы (англ. “backup” – рэзервовае капіяванне файлаў з мэтай іх далейшага аднаўлення).
Журналісты mspring.online звязваюць спробу перашкодзіць працы сайта з выбарамі ў Палату прадстаўнікоў Нацыянальнага сходу Рэспублікі Беларусь. Фактычна інтэрнэт-сайт магілёўскага аддзялення закрытага уладамі праваабарончага цэнтра “Вясна” зараз з’яўляецца адзіным рэсурсам у Магілёве, які рэгулярна дае інфармацыю пра выбарчую кампанію ў вобласці з пункту гледжання дэмакратычнай грамадскасці.
@bajmedia
«Святога нічога». У беларускай медыяпрасторы з’явіўся новы гумарыстычны падкаст
12.01.2024
У Вільні адкрылася канферэнцыя, прысвечаная працы беларускіх медыяў
10.09.2024
Журналіст Ігар Карней у калоніі працуе на пілараме
17.07.2024
Российские власти требуют от американской компании заблокировать «Флагшток»
21.08.2024
