Актывісты сарвалі пачатак суда над сайтам 1863x.com (відэа)
25 жніўня 2016
Судовае пасяджэнне наконт прызнання матэрыялаў сайта 1863x.com экстрэмісцкімі не змагло пачацца своечасова. Пачатак працэсу сарвалі грамадскія актывісты, якія прыйшлі на суд. У прыватнасці, Наталля Гарачка-Басалыга прыйшла з раздрукаваным на паперы лозунгам супраць палітычнага пераследу адміністратара сайта Эдуарда Пальчыса.
У выніку пачатак суда спачатку адклалі на 15 хвілін, а потым перанеслі ў іншае памяшканне.
Як паведамлялася раней, справа наконт экстэмізму на сайце 1863x.com разглядаецца ў судзе Цэнтральнага раёна Мінска. Заснавальніка і адміністратара сайта Эдуарда Пальчыса (вядомага пад псеўданімам Джон Сільвер) на суд не прывезлі. Яго інтарэсы прадстаўляе давакатка.
Сам Пальчыс знаходзіцца ў следчым ізалятары №1 Мінска і чакае іншага суда. Яго вінавацяць у «распальванні расавай, нацыянальнай ці рэлігійнай варожасці», а таксама «распаўсюджванні парнаграфічных матэрыялаў». Справу Пальчыса будзе разглядаць Мінскі гарадскі суд. Дата працэсу пакуль не вядомая.
@bajmedia
«Сядзіць у адзіночцы, вучыць нямецкую і арабскую». Што вядома пра аўтара «Новага часу» Дзядка
17.11.2023
У Магілёве пасля другога адміністрацыйнага арышту не выйшаў на волю Алесь Сабалеўскі
08.01.2024
Новы сайт «Брестской газеты» прызнаны «экстрэмісцкай інфармацыйнай прадукцыяй»
18.01.2024
«Даярка з Хацапетаўкі» абагнала Эйсманта. Што найбольш глядзелі на ТБ у студзені
15.02.2024
