Журналістку-фрылансерку Ларысу Шчыракову аштрафавалі на 161 рубель
17 сакавіка 2017
У судзе Гомельскага раёна разгледзелі адміністрацыйную справу ў дачыненні да журналісткі-фрылансера, сябра ГА “БАЖ” Ларысы Шчыраковай паводле артыкула 23.34 КаАП – удзел у несанкцыянаваным масавым мерапрыемстве ў Рагачове.
Суддзя Кавалевіч аштрафавала журналістку-фрылансерку Ларысу Шчыракову на 7 базавых велічыняў (161 рубель).
12 сакавіка журналістка здымала відэарэпартаж у Рагачове, а яе прыцягнулі да адказнасьці як удзельніцу несанкцыянаванага маршу пратэсту супраць “дармаедскага” дэкрэту №3.
“Я не стала нешта тлумачыць суду, бо гэта апошнім часам бессэнсоўна, — гаворыць Шчыракова. — Працуе канвейер. Міліцыя складае пратаколы, а суды даюць штрафы альбо суткі. Журналістаў судзяць, каб не асвятлялі акцыі пратэсту”.
Яна сказала, што не давярае судовай сістэме, а гэтая адміністрацыйная справа — палітычная замова. Шчыракова адмовілася сведчыць супраць сябе. Доўга глядзелі відэазапіс з Рагачова— урэшце штраф.
У рапарце нейкага В. Радчанкі, які падпісаў падпалкоўнік міліцыі Аляксей Серабро, як начальнік аддзела аховы грамадскага парадку Рагачоўскага РАУС, і перанакіраваў у Гомель, напісана, што на плошчу ў райцэнтры 12 сакавіка прыйшлі агулам “140 грамадзянаў, у тым ліку журналістка-фрылансер Ларыса Шчыракова, якая неаднаразова трапляла ў поле зроку праваахоўных органаў у звязку са сваёй апазіцыйнай дзейнасцю”.
У “пасланні” рагачоўскага ахоўніка грамадскага парадку згадваюцца і іншыя імёны журналістаў.
@bajmedia
Кіраўніка прыватнай гомельскай тэлекампаніі асудзілі ўжо другі раз, а ягоны намеснік прапаў без вестак
15.04.2024
У гадавіну смерці Рамана Бандарэнкі на БТ адбылася прэм’ера шоу, дзе адзін з удзельнікаў — Шакута
15.11.2023
Журналісты-палітэмігранты прадалі кватэру ў Беларусі. Цяпер суд у Гродне хоча адмяніць здзелку
14.06.2024
У зняволенага журналіста Паўла Мажэйкі з’явілася «хросная»
12.12.2023
