Генпракуратура не кажа Еўрарадыё, ці давала дазвол на праслухоўванне Дашкевіча
30 сакавіка 2017
У праграме “Галоўны эфір”, паказанай 12 сакавіка, былі прадэманстраваныя моманты тэлефоннай размовы Змітра Дашкевіча і Паўла Севярынца. Відавочна, што запіс той размовы ― вынік праслухоўвання іх тэлефонаў праваахоўнымі органамі. Еўрарадыё даслала афіцыйны запыт у Генпракуратуру з просьбай адказаць: ці давала пракуратура дазвол на такое праслухоўванне? І калі давала, то ў межах якой крымінальнай справы?
29 сакавіка Генпракуратура дала свой адказ на запыт Еўрарадыё. У адказе тлумачыцца, на якой падставе пракуратура… не можа адказаць на нашы пытанні.
“Артыкулам 10 Закона “Аб аператыўна-вышуковай дзейнасці” ўстаноўлена, што толькі грамадзяне, у дачыненні да якіх праводзіліся або праводзяцца аператыўна-вышуковыя дзеянні, маюць права азнаёміцца з атрыманымі пра іх звесткамі… Такім чынам, прававыя падставы для прадастаўлення запытаных Вамі звестак адсутнічаюць”, — гаворыцца ў адказе Генпракуратуры.
Адначасова ў адказе спасылаюцца на артыкул 8 гэтага ж закону, дзе гаворыцца, што “аператыўна-вышуковая дзейнасць ажыццяўляецца з захаваннем у тайне звестак аб праводзімых органамі аператыўна-вышуковых мерапрыемствах”. Але тады якім чынам запіс размовы Дашкевіча і Севярынца трапіў да журналістаў Белдзяржтэлерадыёкампаніі?
@bajmedia
Папаўненне «экстрэмісцкага» спіса Мінінфарма: сацсеткі беларускіх службаў «Радыё Свабода» і Польскага радыё, відэаканала «Жизнь-малина» і іншыя рэсурсы
11.10.2024
Аляксей Дзікавіцкі пастанавіў датэрмінова пакінуць «Белсат»
19.11.2024
У Беларусі збіраюцца «прымаць меры» супраць блогераў, калі яны парушаць заканадаўства аб СМІ
13.03.2024
Заказчиков убийства Павла Шеремета по-прежнему ищут в Беларуси
29.12.2023
