Запрашаем у літаратурнае падарожжа на Ушаччыну “1.1.1”: Броўка — Быкаў — Барадулін (24 чэрвеня)
13 чэрвеня 2017
Літаратурны музей Петруся Броўкі запрашае ў падарожжа!
“1.1.1” — так мы назвалі праект-падарожжа, прымеркаванага да дня нараджэння народнага паэта Беларусі Петруся Броўкі і прысвечанага тром беларускім творцам ушацкага паходжання з заслужаным званнем «народны» — Петрусю Броўку, Васілю Быкаву, Рыгору Барадуліну.
У добрай кампаніі творчых людзей — пісьменнікаў і паэтаў, мастакоў і артыстаў, музейшчыкаў і бібліятэкараў — плануецца наведаць тры пункты: г.п. Ушачы — в. Бычкі — в. Пуцілкавічы.
Накіроўваючыся ва Ушачы, мы пабачым неверагодна прыгожыя краявіды Віцебшчыны — урадлівай на паэтаў і мастакоў зямлі. Ва Ушачах мы зможам пагаварыць з мясцовымі жыхарамі, паўдзельнічаць ў імпрэзе з удзелам пісьменнікаў, творчых дзеячаў, супрацоўнікаў музеяў Мінска і Ушач. Важнымі пунктамі ва Ушачах будуць дом, дзе нарадзіўся Рыгор Барадулін, а таксама магіла, дзе знайшоў вечны прыстанак народны паэт. Мы пабачым валун з высечаным на ім крыжом, які быў пастаўлены па просьбе самога Рыгора Барадуліна ў якасці надмагільнага помніка восенню 2015 года.
У вёсцы Бычкі, дзе нарадзіўся Васіль Быкаў, нас чакае прыемная сустрэча з пляменнікам пісьменніка Мікалаем Харакам, які наглядае за Хатай-музеем Васіля Быкава.
Апошняй кропкай у падарожжы стане загадкавая, амаль вымерлая вёска Пуцілкавічы, дзе нарадзіўся народны паэт Беларусі — Пятрусь Броўка. Уявіце сабе — дзень народзінаў паэта ў выміраючай вёсцы. Прыпынкам у Пуцілкавічах стане Хата-музей Петруся Броўкі. Мы пазнаёмімся з адным з нямногіх жыхароў — Міхаілам Сысам, які зараз кіруе музеем, зможам запытаць у адзінкавых бабулек, як ім сёння жывецца ў адрыве ад усёй цывілізацыі. Ва ўсіх прысутных будзе ўнікальная магчымасць убачыць некаторыя прадметы з тых знакамітых 17-ці чамаданаў, якія сталі сенсацыйным падарункам Літаратурнаму музею Петруся Броўкі, што зрабіў сын народнага паэта — Юрый Пятровіч Броўка.
Ля вогнішча ў шчырай кампаніі добрых людзей абмяняемся ўражаннямі, якія мы атрымаем за цэлы дзень вандроўкі па Віцебшчыне, паслухаем спевы, патаньчым.
Заявіць пра свой удзел у падарожжы можна па тэлефонах:
(017) 226–09-81; (029) 338–88-23
Кошт — 20 рублёў.
ДЭДЛАЙН падачы заявак — 23 чэрвеня!
ПРАГРАМА ЛІТАРАТУРНАГА ПАДАРОЖЖА “1.1.1”
(24 чэрвеня 2017 г.)
|
6.45 |
|
|
7.00–10.00 |
Пераезд да г.п. Ушачы. Пункт прыбыцця – раённы дом культуры. |
|
10.15–12.00 |
Цэнтральны сквер г.п. Ушачы (пры дрэнным надвор’і — РДК). Імпрэза, прымеркаваная да 112-годдзя Петруся Броўкі і прысвечаная Петрусю Броўку, Рыгору Барадуліну, Васілю Быкаву. Кава-брэйк (РДК). |
|
12.00–12.15 |
Пераезд у дом Р.Барадуліна. |
|
12.15–13.25 |
Наведванне дома Р.Барадуліна. |
|
13.25–13.30 |
Пераезд да могілак, дзе пахаваны Р.Барадулін. |
|
13.30–13.45 |
Ускладанне кветак да магілы Р.Барадуліна. |
|
13.45–14.00 |
Пераезд у в. Бычкі. |
|
14.00–16.00 |
Наведванне Хаты-музея Васіля Быкава. |
|
16.00–17.00 |
Пераезд у в. Пуцілкавічы. |
|
17.00–19.00 |
Агляд наваколля. Размова з мясцовымі жыхарамі. Наведванне Хаты-музея Петруся Броўкі. Прадстаўленне музейных прадметаў з архіва сям’і Броўкаў. Ускладанне кветак да помніка маці П.Броўкі Алены Сцяпанаўны. |
|
19.00–20.00 |
Вячэра (калодзежная вада, суп па-ўшацку, гарбата “пахне чабор”, добры настрой + свае бутэрброды). |
|
20.30 |
Адпраўленне аўтобуса на Мінск. |
Літаратурнае падарожжа па Ушаччыне (фотарэпартаж)
@bajmedia
Экстрэмісцкай інфармацыйнай прадукцыяй прызналі тры артыкулы на сайце Media IQ
10.07.2024
Сяргей Навумчык сыходзіць з журналістыкі на пенсію. У штаце «Радыё Свабода» ён прапрацаваў 25 гадоў
23.01.2024
У Расіі абвешчаныя ў вышук журналісты, вымушаныя з’ехаць з Беларусі праз пераслед
13.02.2024
Каталіцкае радыё ў Беларусі можа страціць дом, у якім зараз працуе
10.04.2024
