У Рызе адбылася акцыя ў падтрымку скрадзенага ў Тбілісі журналіста Афгана Мухтарлы
15 чэрвеня 2017
Два дзесяткі журналістаў з 12 краін, у тым ліку і з Беларусі, зладзілі сёння ў Рызе (Латвія) флэш-моб побач з азербайджанскай і грузінскай амбасадамі ў падтрымку скрадзенага ў Тбілісі Афгана Мухтарлы, якому пагражае 8 год зняволення ў Азербайджане.
Журналісты з пакетамі на галовах (Афган Мухтарлы распавёў раней праз адваката, што невядомыя людзі сілай зацягнулі яго ў машыну на вуліцы ў Тбілісі, нацягнулі на галаву чорны пакет і перавезлі ў Азербайджан) трымалі ў руках плакаты з патрабаванне вызваліць азербайджанскага калегу.
Афгана Мухтарлы выкралі 29 траўня каля яго дома ў Тбілісі, дзе ён жыў з сям’ёй апошнія два гады, і сілком прывезлі ў турму ў Баку. На наступны дзень яго абвінавацілі ў нелегальным перасячэнні мяжы і ўвозе буйной сумы грошай. Яму пагражае мінімум 8 гадоў зняволення. Мухтарлы займаўся расследаваннямі бізнэсу сям’і прэзідэнта Азербайджана Ільхама Аліева ў Грузіі, а таксама тэмай карупцыі ў Міністэрстве абароны Азербайджана.
Фота: Alfrēds Ulmanis/Fotal.lv
Журналісты з 16 краін падпісаліся пад заклікам вызваліць Афгана Мухтарлы з азербайджанскай турмы
@bajmedia
У Музеі ў Цеханоўцы адкрылася выстава журналісткі Кацярыны Ваданосавай
06.09.2024
Следчы камітэт распачаў спецвытворчасць у дачыненні да журналіста Уладзіміра Хільмановіча
14.03.2024
Аб’явілі першых лаўрэатаў прэміі для беларускіх журналістаў у выгнанні
28.06.2024
Лідская раёнка заблюрыла на фота вопратку наведвальніка на прыёме старшыні райвыканкама — меркавана там быў амерыканскі сцяг
05.01.2024
