«Form. Line. Color» — выстава арт-фатаграфіі ў Гродна

Сцены былой галерэі “Крыга” нібы падзеленыя на тры розныя прасторы, дзе кожны з аўтараў прадставіў свае працы.

Пра выставу распавядае адзін з аўтараў Аляксандр Саенка:

—  Для мяне цікава было сабрацца з калегамі на такі супольны праект. У нас зусім розныя погляды на фатаграфію. У кагосці форма, у кагосці лінія, у кагосці колер. І разам мы стварылі такую калабарацыю.

Па словах Іллі Гілея, Гродна чакала адкрыцця выставы падобнага фармату апошнія пяць год:

— Уся канцэпцыя выставы звязана з галоўнымі элементамі. У любым візуальным мастацтве гэта лінія, форма і колер. Экспазіцыя ўяўляе сабой візуальнае даследанне. Тут вы можаце знайсці працы, якія напрамую адносяцца да супрыматызму, абстракцыі і экспрэсіянізму. Для света гродзенскай фатаграфіі гэта—  глыток свежага паветра, новы, не заезджаны фармат.

Адкрыццё выставы сабрала маладое пакаленне аматараў сучаснага мастацтва. Выстава будзе працаваць цягам бліжэйшых двух тыдняў.