Адміністратара «дармаедзкай» суполкі «УКантакце» асудзілі за рэпост
4 студзеня 2018
Суд Кастрычніцкага раёну Менску аштрафаваў на 30 базавых велічынь (690 рублёў) менчука Ігара Клешчука за разьмяшчэньне ў інтэрнэце зьвестак пра акцыю «Ланцуг памяці», якая прайшла ў Менску 29 лістапада — у дзень памяці ахвяр палітычных рэпрэсій. Прысуд быў вынесены 28 сьнежня.
Акцыя «Ланцуг памяці» ля будынку КДБ у Менску, кастрычнік 2017 году
Ігара Клешчука суд прызнаў вінаватым у «публічным закліку да правядзеньня пікетаваньня з парушэньнем вызначанага парадку», паведамляе праваабарончы цэнтар «Вясна».
Прычынай для адміністрацыйнага перасьледу стаў рэпост інфармацыі аб правядзеньні 29 кастрычніка каля будынку КДБ у Менску жалобнай акцыі «Ланцуг памяці», прысьвечанай 80-годзьдзю савецкіх рэпрэсій 1937 году.
Актывіст сваёй віны не прызнаў, прысуд будзе абскарджваць.
Свабодзе Ігар Кляшчук паведаміў, што 20 сьнежня ў яго дома правялі ператрус паводле падазрэньня ва ўжываньні і ў распаўсюдзе наркотыкаў праз Інтэрнэт. Забралі тэхніку. Пазьней падазрэньні ва ўжываньні і распаўсюдзе наркотыкаў з Кляшчука зьнялі і завялі адміністрацыйную справу за заклік да правядзеньня пікетаваньня з парушэньнем устаноўленага парадку паводле часткі 1 артыкула 23.34 КоАП.
@bajmedia
Андрэй Гнёт застаецца пад стражай пасля чарговага разгляду справы ў Сербіі
03.04.2024
Блогера Аляксандра Ігнацюка вінавацяць у садзейнічанні экстрэмісцкай дзейнасці, вымагальніцтве і паклёпе
11.03.2024
Верш Андрэя Аляксандрава загучаў па-ангельску. Акцыя да 1000 дзён зняволення медыяменеджэра
09.10.2023
У гэты дзень 19 гадоў таму забілі Вераніку Чаркасаву
19.10.2023
