Былы вядучы «Контураў» Ілля Коласаў знайшоў новую працу

«Так, цяпер я працую ў Федэрацыі хакея Беларусі, але на дадзены момант яшчэ нельга выразна казаць пра маю пасаду, бо структура прэс-службы пакуль толькі фармуецца», — сказаў ён карэспандэнту Tut.by

Ілля Коласаў нарадзіўся ў Санкт-Пецярбургу, дзе скончыў інстытут кіно і тэлебачання па спецыяльнасці гукарэжысёр. Працаваў на радыё «Голас Расіі», «Радыё Расіі», тэлеканалах «ТВ-Цэнтр», «RTVi», АНТ.

Ілля Коласаў — не адзіны вядомы тэлевядучы, які перайшоў у апошні час на працу ў прэс-службу буйной арганізацыі. Раней прэс-сакратаром кампаніі «Еўраторг» (сетка магазінаў «Еўраопт» і «Бруснічка») стаў Ягор Хрусталёў.