На сайце petitions.by кіраўніцтва БЕЛТА заклікаюць забраць зварот з СК
7 жніўня 2018
На сайце petitions.by з'явілася петыцыя да кіраўніцтва агенцтва БЕЛТА з заклікам забраць заяву са Следчага камітэта. Стварыў яе адзін з кіраўнікоў "Гавары праўду" Андрэй Дзмітрыеў, які паведаміў пра гэта ў сацсетках.
Фота: pixabay.com
Зварот плануецца адаслаць у Адміністрацыю прэзідэнта і Міністэрства інфармацыі.
«Затрыманне галоўных і выпускных рэдактараў партала TUT.BY і агенцтва БелаПАН, ператрусы ў іх рэдакцыях — гэта небяспечны і правакацыйны крок ва ўмовах, калі наша краіна падвяргаецца грубым і хлуслівым інфармацыйным нападам звонку», — гаворыцца ў звароце.
У петыцыі нагадваецца, што нядаўна ў інфармацыйнае поле адбываліся ўкіды пра інсульт кіраўніка дзяржавы ды іншыя выдумкі, «якія ставяць пад сумнеў незалежнасць нашай краіны ці яе суверэнныя інтарэсы». Аслабленне нацыянальных СМІ, як гаворыцца ў заяве, непазбежна вядзе да ўзмацнення замежных СМІ, якія вяшчаюць на Беларусь.
Таму аўтары звароту прапануюць, каб БЕЛТА адклікала заяву а Следчага камітэта і вырашыла спрэчку ў дасудовым парадку.
@bajmedia
Еўрапейская федэрацыя журналістаў звярнулася да міністаркі юстыцыі Сербіі з просьбай спыніць экстрадыцыю Андрэя Гнёта
08.07.2024
Новы стары ньюсрум: куды і чаму пераехаў «Белсат»? Разбіраемся
28.05.2024
Тэлеграм-канал пра футбол, імаверна, захоплены губазікаўцамі
15.08.2024
Кампанію ў абарону Андрэя Гнёта падтрымалі Святлана Алексіевіч, Алег Сянцоў, Жюльет Бінош, Кен Лоўч, Агнешка Холанд
26.08.2024
