У Віцебску з’явілася графіці паводле здымка-пераможцы “Прэс-фота Беларусі-2010”

На фотаздымку, зробленым у красавіку 2006 года, — жыхар вёскі Стрэлічава Хойніцкага раёна Яўген Штанюк са сваім катом.

Графіці Сяргея Русака, які працуе пад псеўданімам “Ізюм”, называецца “Дзед і кот”.

Графіці зробленае на сцяне будынку ў дварах па вуліцы Суворава — у гістарычным цэнтры Віцебска. Малюнак “Дзед і кот” стаў новым арт-аб’ектам, створаным у межах праекту “Гравітацыя”, які ўжо не першы раз збірае вулічных мастакоў, каб зрабіць разнастайнымі шэрыя віцебскія двары.