Хто і колькі разоў перамагаў у конкурсе «Вольнае слова» ІНФАГРАФІКА

У панядзелак журы апублікавала шорт-ліст конкурсу, а мы падлічылі, колькі ўзнагарод атрымалі калегі за ўсю гісторыю і хто з іх стаў своеасаблівым лідарам медальнага заліку.

Журналіст газеты “Салідарнасць” Руслан Гарбачоў, тэксты якога ажно 10 разоў займалі прызавыя месцы на конкурсе, гаворыць, што сакрэт поспеху просты:

— Напрыканцы кожнага года я абавязкова сядаю і падводжу вынікі таго, што было зроблена. Прыгадваю тыя тэксты, якія мне самому спадабаліся. Але не дасылаю іх адразу, а прашу калег па рэдакцыі ацаніць матэрыялы. Тое, што калегі называюць лепшым, і адпраўляю на конкурс “Вольнае слова”, — кажа Руслан.

Конкурс “Вольнае слова” праводзіцца Беларускай асацыяцыяй журналістаў з мэтай удасканалення прафесійнага майстэрства супрацоўнікаў СМІ, заахвочвання таленавітых журналістаў, стымулявання іх дзейнасці ў адстойванні прынцыпаў прафесійнай журналістыкі і свабоды слова. Сёлета на разгляд журы было даслана больш за 200 журналісцкіх матэрыялаў.

Запрашаем усіх калег на цырымонію ўзнагароджання — 7 верасня а 14‑й гадзіне ў офісе БАЖ (г. Мінск, вул. Кальварыйская, 16, офіс 265)!

Умовы ўдзелу і журы конкурсу