У Менску выступіць галоўны рэдактар Platfor.ma Юрый Марчанка
8 кастрычніка 2018
11 кастрычніка на пляцоўцы «Пункт» пройдзе public talk з галоўным рэдактарам украінскага выдання Platfor.ma (Кіеў) Юрыем Марчанка. Сустрэча мае назву «Як працаваць ва ўласным СМІ, забаўляцца, зарабляць і не здохнуць».
Юрый Марчанка – новы госць адукацыйна-натхняльнай серыі #34events. Мы паважаем і любім Юрыя за дасканалае пачуццё гумару, сціплае абаянне практыкуючага лектара, а таксама за бясцэнны досвед работы на самых розных медыйных пляцоўках Украіны – ад першага намесніка галоўнага рэдактара ў штодзённай газеце «Коммерсантъ-Украина» да вядучага вячэрняга шоу на грамадскім тэлеканале UA:Першій.
Аднак перш за ўсё нам цікавы досвед працы Марчанкі галоўным рэдактарам у адным з самых цікавых нішавых выданняў Украіны – Platfor.ma. Сярод маладых украінцаў, якія адносяць сябе да крэатыўнага класа, менавіта гэты рэсурс «пра новыя магчымасці» забіў за сабой месца аднаго з самых прагрэсіўных, нестандартных і знаходлівых інтэрнэт-медыя.
Каб не стамляць слухача рамкамі фармату лекцыі або майстар-класа, у гэты раз мы вырашылі абмеркаваць надзённыя праблемы медыйшчыкаў у рэжыме public talk – адкрытай размовы на зададзеныя тэмы. Мадэраваць сустрэчу будзе кіраўнік праекта 34mag.net Антон Кашлікаў.
Магчымасць набыць квіткі — тут
@bajmedia
«Даярка з Хацапетаўкі» абагнала Эйсманта. Што найбольш глядзелі на ТБ у студзені
15.02.2024
Прапагандысту з дзяржгазеты не знайшлося канкурэнтаў на выбарах дэпутатаў у Брэсце
04.03.2024
«Радыё Свабода» выпускае падкаст-серыял пра «ўсе кругі пекла карнай сістэмы рэжыму Лукашэнкі»
04.04.2024
«Экстрэмісцкі» спіс Мінінфарма: суполка «Радыё Свабода» у «Одноклассниках»
15.11.2024
