«Знішчым капіталізм!» Івацэвіцкага анархіста, прысуджанага да хіміі, яшчэ і аштрафавалі за рэпосты «Укантакце»
16 лістапада 2018
16 лістапада ў судзе Кастрычніцкага раёна Гродна завяршыўся чарговы працэс за перапост у сацыяльнай сетцы. Суддзя Алена Тоўсцік-Самойла не ўзяла пад увагу ніякія юрыдычныя аргументы абароны і аштрафавала Уладзіслава Сераду на 15 базавых велічынь.
Івацэвіцкі анархіст Уладзіслаў Серада прызнаны вінаватым у распаўсюдзе экстрэмісцкіх матэрыялаў.
Серада пакуль што знаходзіцца ў Гродна на «хіміі». Ён быў асуджаны за бойку ў Бярозе, як сцвярджае анархіст, — з неанацыстамі.
Жыхара Івацэвічаў вінавацілі ў рэпосце «УКантакце» трох паведамленняў: пра акцыю маскоўскіх анархістаў, а таксама пра акцыі супраць так званага дэкрэту «аб дармаедстве».
Уладзіслаў Серада пацвердзіў той факт, што ён зрабіў рэпост матэрыялаў, якія фігуруюць у матэрыялах адміністрацыйнай справы. Але ён патлумачыў, што не бачыў нічога кепскага ў звычайных інфармацыйных матэрыялах і нават не мог падазраваць, што яны могуць трактавацца як экстрэмісцкія. У адным з матэрыялаў расказвалася пра акцыю маскоўскіх анархістаў у падтрымку беларускіх анархістаў, у іншых двух — пра акцыі супраць так званага ўказу аб дармаедстве, якія прайшлі ў Беларусі ў 2017 годзе. Пра гэтыя акцыі адкрыта інфармавалі многія, у тым ліку і дзяржаўныя інтэрнэт-рэсурсы.
Сваёй віны ў здзяйсненні адміністрацыйнага правапарушэння Уладзіслаў Серада не прызнаў.
@bajmedia
Мининформ санкционировал показ чемпионата мира по пляжному футболу в Беларуси без получения разрешения ФИФА
16.02.2024
Суды Брэсцкай вобласці істотна папоўнілі спіс «экстрэмістаў» у рэгіёне за кошт сацсетак мясцовых медыяў
20.12.2023
У Дзень палітвязняў пройдзе больш за 30 акцый у розных краінах. Анонс і расклад
20.05.2024
Рак, рэмісія і жаночыя мары: выйшаў фільм пра барацьбу вядомых беларускіх журналістак з анкалогіяй
15.10.2024
