У дзень народзінаў Лунінецкай філіі ГА “БАЖ” журналісты сабраліся на “кватэрнік”
21 снежня 2018
Лунінецкая філія адзначыла 19-годдзе з дня афіцыйнай рэгістрацыі.
“Кватэрнік” прайшоў у стылізаваным інтэр’еры краязнаўчага музея, супрацоўнікі якога гасцінна сустрэлі журналістаў.
Падчас сустрэчы сябры ГА “БАЖ” дэманстравалі свае творчыя здольнасці. І не толькі творчыя, а і кулінарныя. Напрыклад Вікторыя Мікуліч прыгатавала да гарбаты імбірнае печыва — яно ўсім прыйшлося да спадобы.
Таццяна Качаноўская падрыхтавала сюрпрыз у выглядзе цукерак з “прагнозамі” на 2019 год, Вадзім Жылко павесяліў прысутных анекдотамі, Людміла Хмялеўская спявала пад гітару.
Выступілі на “кватэрніку” і мясцовыя барды, героі журналісцскіх публікацый.
Як адзначыла старшыня філіі Алена Насковіч, за напружанай працай не стае часу збірацца разам для душэўных размоў. “Кватэрнік” у дзень народзінаў дазволіў сябрам філіі адчуць сябе адной сям’ёй.
Да слова, падчас Рады ГА «БАЖ» Лунінецкая філія была адзначаная дыпломам «За паспяховую рэалізацыю планаў філіі і гуртаванне супольнасці».
@bajmedia
Андрэй Бастунец: Больш за 20 беларускіх медыяарганізацый прызнаныя «экстрэмісцкімі фармаваннямі»
14.12.2023
Пракурор Магілёўскай вобласці пастанавіў заблакаваць доступ да сайта ініцыятывы INeedHelpBY
14.06.2024
Пачаўся завочны суд над былымі супрацоўніцамі Tut.by Вольгай Лойка, Аленай Талкачовай і Кацярынай Ткачэнка
15.07.2024
Папаўненне ў спісе экстрэмісцкіх матэрыялаў: дадатак у Google Play «Радыё Свабода», старонкі «Еўрарадыё» ў сацсетках і іншыя рэсурсы
05.02.2024
