«Наша Ніва», Tut.by, БелаПАН, «Народная Воля» і «Еўрарадыё» вырашылі не ўдзельнічаць у прэс-канферэнцыі Бабіча
18 сакавіка 2019
Сёння ў прэс-цэнтры «Sputnik Беларусь» праходзіць прэс-канферэнцыя пасла Расіі ў Беларусі Міхаіла Бабіча, прысвечаная «пяцігоддзю ўваходжання Крыма ў склад Расійскай Федэрацыі».
Мы, рэдакцыі беларускіх недзяржаўных СМІ, узважыўшы ўсе плюсы і мінусы прысутнасці нашых журналістаў на гэтым мерапрыемстве, прынялі рашэнне ўстрымацца ад удзелу ў ёй.
Мы падкрэсліваем, што гэтае рашэнне ні ў якім разе не азначае ігнараванне пасла Расіі ці адсутнасць цікавасці да яго пазіцыі. Мы гатовыя сустрэцца са спадаром амбасадарам у фармаце прэс-канферэнцыі або асобных інтэрв’ю па тэме беларуска-расійскіх адносін, задаць усе пытанні, якія цікавяць нас, і данесці да нашых чытачоў яго адказы. Некаторыя з нас ужо адпраўлялі заяўкі на такое інтэрв’ю.
Аднак, улічваючы заяўленую тэму прэс-канферэнцыі, мы не хочам, каб прысутнасць нашых журналістаў там была вытлумачана нашымі чытачамі як падтрымка адной з пазіцый па падзеях у Крыме ў 2014 годзе. Акрамя таго, пазіцыя Расеі па гэтай тэме шырока і даўно вядома.
Галоўны рэдактар TUT.BY Марына Золатава
Галоўны рэдактар «Еўрапейскага радыё для Беларусі» Павел Свярдлоў
Галоўны рэдактар БелаПАН Ірына Леўшына
Галоўны рэдактар «Нашай Нівы» Ягор Марціновіч
Галоўны рэдактар «Народнай Волі» Іосіф Сярэдзіч
@bajmedia
З’явілася новае беларускае рэаліці-шоу: модныя фатографы паказваюць унутраную кухню сваіх фотасесій
24.01.2024
«Мне не сорамна ні за адну секунду свайго жыцця». Журналіст Павел Мажэйка патлумачыў матывы паводзін на судзе
04.10.2023
«Я как отец, патриот и все остальное. И что?» У пропагандиста Муковозчика спросили, почему его дочь работает в США
02.10.2023
Нехта дабіваецца выдалення артыкула Еўрарадыё пра экс-кіраўніка Офіса ААН у РБ
09.07.2024
