Праваабаронцаў і актывістаў вывелі з суду над берасьцейскім блогерам

Як апавёў Свабодзе Бяляцкі, аргумэнтам судзьдзі было тое, што ў залі не засталося вольных месцаў. Аднак пры больш уважлівым разглядзе стала зразумела, што крэслы занятыя супрацоўнікамі міліцыі ў цывільным.

«Мы зайшлі адны зь першых, але заля ўжо была запоўненая супрацоўнікамі РАУС, якія сядзелі ў цывільным — і мужчыны, і жанчыны, — кажа праваабаронца. — Усе мясцовыя іх ведаюць, называлі па імені і па бацьку. Судзьдзя перад пачаткам працэсу загадаў усім, каму не хапіла месца, пакінуць залю. Пасьля доўгіх спрэчак судзьдзя выклікаў АМАП і тыя пад ручкі ўсіх вывелі. Такім чынам блізу 30 чалавек былі вымушаныя сысьці».

Як паведаміў Алесь Бяляцкі, юрыст цэнтру «Вясна» Валянцін Стэфановіч з гэтай прычыны падаў скаргу на імя старшыні суду Ленінскага раёну Берасьця.

Паводле Бяялцкага правааабаронцы, усе, каму не хапіла месца, стаяць у калідоры, дзьверы судовай залі ахоўваюць амапаўцы.