Раённая бальніца прыгразіла “Газеце Слонімскай” судом
16 красавіка 2019
“Пры публікацыі ў Вашай газеце матэрыялаў, якія дыскрыдытуюць працу дактароў-спецыялістаў ЦРБ, пакідаем за сабой права звярнуцца ў суд для абароны сваіх парушаных правоў, што пацягне для Вас дадатковыя выдаткі”, — паведамляецца ў канцы адказу Слонімскай цэнтральнай раённай бальніцы на зварот “Газеты Слонімскай”.
Карэспандэнт “ГС” Ганна Валадашчук прасіла адміністрацыю лякарні пракаментаваць сітуацыю з інвалідам першай групы. У сваім лісце ў рэдакцыю ён сцвярджаў, што апошнія шэсць гадоў яго не наведвае ўрач-неўролаг.
Першая частка адказу са Слонімскай цэнтральнай раённай бальніцы якраз змяшчае каментар па сутнасці пытання, дзе чытаем, што “І.І. рэгулярна назіраецца доктарам агульнай практыкі і медыцынскімі работнікамі дома”.
Навошта было слонімскім медыкам пагражаць газеце судом, журналіст пазней спрабавала высветліць, патэлефанаваўшы на “гарачую лінію” Гродзенскага абласнога аддзела аховы здароўя, але марна. На тым канцы дроту супрацоўніца не захацела назваць сваё імя, а карэспандэнту “Газеты Слонімскай” параіла звярнуцца з гэтым пытаннем да іх юрыста аддзела, калі яе не задавальняе адказ раённай бальніцы.
Матэрыял з гэтай гісторыяй пад загалоўкам “Медыкі на ўсякі выпадак прыгразілі рэдакцыі судом?” выйшаў 10 красавіка.
@bajmedia
Суд завочна прыгаварыў журналіста Алеся Кіркевіча да 7 гадоў зняволення, аграмаднага штрафу і адабрання нерухомасці
06.08.2024
Мининформ разрешил показать чемпионат Европы по футболу без согласия УЕФА
24.04.2024
Супраць відэааператара Яўгена Глушкова распачалі крымінальную справу за супрацу з медыярэсурсам 6TV Belarus
20.02.2024
Галоўны рэдактар iXBT.games выйшаў на волю
25.03.2024
