Мінінфарм знайшоў экстрэмізм у двух артыкулах «Вечернего Могилёва»
3 чэрвеня 2019
Міністэрства інфармацыі знайшло прыкметы экстрэмізму ў двух артыкулах газеты "Вечерний Могилёв". Цяпер выданню пагражае суд паводле адміністрацыйнага артыкула. Калі справа дойдзе да суда, гэта будзе першы ў Беларусі прэцэдэнт, калі за праявы экстрэмізму асудзяць дзяржаўнае выданне, адзначае праваабарончая ініцыятыва "Журналісты за талерантнасць".
Зварот у Мінінфарм накіраваў ЛГБТ-актывіст з Маладзечна Валянцін Цішко. Ён падаў спіс з 14 публікацыяў выдання, якія прасіў праверыць на наяўнасць незаконнай інфармацыі.
У адказе за подпісам намесніка міністра Паўла Лёгкага гаворыцца, што Рэспубліканская экспертная камісія па ацэнцы інфармацыйнай прадукцыі на прадмет наяўнасці / адсутнасці ў ёй праяваў экстрэмізму знайшла такія прыкметы ў дзвюх публікацыях. «Дадзенае экспертнае заключэнне накіравана ў праваахоўныя органы для вырашэння пытання аб прыцягненні да адміністрацыйнай адказнасці на падставе артыкула 17.11 КаАП Беларусі», — паведамляе чыноўнік.
Пытанні ў Мінінфарма ўзніклі да артыкулаў «СУДНЫЙ ДЕНЬ. ЛИРИЧНЫХ ЧУВСТВ НАТЯНУТЫЕ СТРУНЫ…» і «ВО ЧТО ВЫЛИВАЕТСЯ НЕТЕРПИМОСТЬ К ИЗВРАЩЕНЦАМ?». Па рашэнні суда яны могуць трапіць у Рэспубліканскі спіс забароненых экстрэмісцкіх матэрыялаў.
Газета «Вечерний Могилёв» ужо неаднаразова трапляла ў скандалы ў сувязі са сваімі публікацыямі, скіраванымі супраць прадстаўнікоў ЛГБТ.
Выкарыстана фота з сайта mogilev.online
@bajmedia
Амбасады Швецыі і Вялікабрытаніі заклікалі вызваліць медыяменеджара Андрэя Аляксандрава
05.02.2024
Папаўненне ў «экстрэмісцкім спісе» Мінінфарма: акаўнты «Народный репортер» і Сяргея Пятрухіна ў TikTok
18.06.2024
Медыяпраект «Настоящее время» ў Беларусі абвясцілі экстрэмісцкім
11.01.2024
Вядомы фотапраект «Пагоркі і грудкі», які спрабуе раскрыць філасофію беларускага пейзажу, едзе ў Вільню
27.06.2024
