Журналіст «Руставі 2» абразіў Пуціна ў эфіры. Тэлеканал часова спыніў вяшчанне
8 ліпеня 2019
Грузінская тэлекампанія «Руставі 2» спыніла вяшчанне. У кіраўніцтве патлумачылі гэта сітуацыяй, якая ўзнікла пасля абразлівых рэплік аднаго з вядоўцаў на адрас Уладзіміра Пуціна і яго сваякоў, піша РБК.
У паведамленні, апублікаваным кіраўніцтвам тэлекампаніі, спыненне вяшчання патлумачылі няздольнасцю МУС Грузіі гарантаваць бяспеку журналістам. Паведамляецца, што пасля скандальнага выступу ў праграме P.S. былі здзейсненыя напады на некалькіх супрацоўнікаў.
Раней стала вядома, што каля будынка, у якім знаходзіцца «Руставі 2», сабраліся некалькі дзясяткаў чалавек, якія запатрабавалі закрыцця тэлекампаніі і прабачэнняў з боку яе кіраўніцтва і журналіста Георгія Габунія.
Кіраўніцтва «Руставі 2» афіцыйна перапрасіла за паводзіны свайго супрацоўніка. Там паведамілі, што лічаць расійскага прэзідэнта «ворагам» і выступаюць супраць цэнзуры, аднак лічаць непрымальным мат у эфіры.
Асудзілі паводзіны Габуніі прэзідэнт і прэм’ер-міністр Грузіі. Экс-прэзідэнт краіны Міхаіл Саакашвілі, якога падтрымлівае «Руставі 2», заклікаў грузінскія выданні не ператварацца ў «істэрычныя расійскія СМІ», перадаваць інфармацыю без эпатажу і ў цывілізаванай форме.
@bajmedia
У Чарнагорыі афіцыйна забаранілі вяшчанне расійскіх СМІ
11.07.2024
Телекомпания CNN заявила, что поездка ее журналиста в Суджу не нарушала международное право
23.08.2024
В России на журналистку Радио Свобода Алсу Курмашеву завели еще одно уголовное дело — за антивоенную книгу
13.12.2023
Полиция задержала двух мужчин, подозреваемых в том, что они бросили учебную гранату на вечеринке журналистов в Риге
26.12.2023
