Журналісты грузінскага каналу «Руставі‑2» байкатуюць працу пасьля звальненьняў калегаў. ВІДЭА
22 жніўня 2019
На грузінскім тэлеканале «Руставі-2» 21 жніўня не трансьляваліся перадачы навінаў «Кур’ер» — замест іх паказалі фільмы і сэрыялы, бо журналісты байкатавалі працу. Два вядоўцы вечаровага «Кур’ера» у жывым эфіры заявілі, што пакідаюць канал.
Яе расказвае «Эхо Кавказа», грузінская служба Свабоды, журналісты байкатуюць працу, бо ня маюць гарантыяў неўмяшальніцтва новага кіраўніцтва каналу ў рэдакцыйную палітыку.
«Мясцовыя і міжнародныя арганізацыі неаднаразова заклікалі новае кіраўніцтва тэлекампаніі пазьбягаць ўмяшальніцтва ў рэдакцыйную палітыку каналу, — пішуць у супольнай заяве няўрадавыя арганізацыі Грузіі. — Кіраўніцтва, у сваю чаргу, паабяцала, што крытычная рэдакцыйная палітыка будзе захаваная. Нягледзячы на гэта, празь некалькі тыдняў новае кіраўніцтва прыняла неабгрунтаваныя рашэньні, зьвязаныя са звальненьнем супрацоўнікаў».
Ранейшы гендырэктар грузінскага незалежнага тэлеканалу «Руставі‑2» Ніка Гварамія 17 ліпеня быў звольнены са сваёй пасады. Пасьля адстаўкі ён заявіў аб палітычных прычынах свайго звальненьня, і падкрэсьліў, што Ўладзімір Пуцін і кіраўнік МЗС Расеі Сяргей Лаўроў «патрабавалі» закрыць тэлеканал. Гэта адбылося адразу ж пасьля таго, як уладальнікам тэлеканала зноў стаў бізнэсовец Кібар Халвашы. Замест Гвараміі ён прызначыў кіраваць тэлеканалам свайго юрыста Паата Салію. Сярод звольненых журналістаў — Георгій Габунія, які ў жывым эфіры абразіў прэзыдэнта Расеі Уладзіміра Пуціна.
@bajmedia
Расійскія сілавікі ўзбудзілі крымінальныя справы супраць карэспандэнта CNN і дзвюх украінскіх журналістак
22.08.2024
Вызвалілі дзвюх іранскіх журналістак, якія раней былі асуджаныя на вялікія тэрміны
16.01.2024
Украінскія фатографы звярнуліся да World Press Photo з патрабаваннем выключыць са складу журы расіянку. Ім адмовілі
17.01.2024
Гендырэктара ТАСС звольнілі за няправільнае асвятленне бунту Прыгожына
08.11.2023
