У Дрыбіне актывіста будуць судзіць за дызлайк у “Одноклассниках”
6 снежня 2019
Грамадскага актывіста Андрэя Юркова 13 снежня выклікаюць у суд Дрыбінскага раёна ў якасці асобы, у дачыненні якой вядзецца адміністрацыйны працэс паводле ч.2 арт. 17.11 КаАП Рэспублікі Беларусь — нібыта за распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а роўна выраб, выданне, захоўванне або перавозка з мэтай распаўсюду такой інфармацыйнай прадукцыі, калі ў гэтых дзеяннях няма складу злачынства.
Пачатак судовага слухання прызначаны а 10-ай раніцы. Пра гэта Андрэй Юркоў паведаміў на сваёй старонцы ў facebook.
Напрыканцы лістапада супрацоўнікі міліцыі склалі на Андрэя Юркова адміністрацыйны пратакол нібыта за распаўсюд нацыскай сімволікі. Сам ён з выстаўленымі абвінавачаннямі не пагадзіўся і напісаў у пратаколе, што нічога не размяшчаў на сваёй старонцы, а проста паставіў дызлайк пад чужым матэрыялам.
За гэты дызлайк яму зараз пагражае штраф у памеры ад 10 да 50 базавых велічынь.
Андрэй Юркоў — добра вядомы ў Магілёўскай вобласці грамадскі актывіст. На парламенцкіх выбарах 2019 года ён вылучаўся кандыдатам у дэпутаты Палаты прадстаўнікоў па Горацкай выбарчай акрузе №82. Згодна афіцыйнай інфармацыі ЦВК, падчас гэтых выбараў за Юркова аддалі свае галасы 7.21% выбаршчыкаў.
@bajmedia
Блогер Vadimati распавёў, што сапраўды захварэў на анкалогію пасля зняволення
07.08.2024
Былая прапагандыстка СТБ, якая шукала працу ў IT, выдаліла свой акаўнт у Linkedin
08.01.2024
Instagram-старонка «Будзьма беларусамі!» прызнаная беларускімі ўладамі «экстрэмісцкай»
01.12.2023
У спіс экстрэмістаў дадалі Святлану Лупач — асуджаную дачку незалежнага журналіста Змітра Лупача
22.01.2024
