«Галерэя Тамковіча» — матэрыялы кніг Аляксандра Тамковіча цяпер на сайце БАЖ. Фота з прэзентацыі

На GALLERY.BAJ.BY можна знайсці кароткія анатацыі да кніг Аляксандра Тамковіча, а таксама больш за 250 гісторый нашых сучаснікаў.

Перайсці на «Галерэю Тамковіча» можна з галоўнай старонкі сайта BAJ.BY праз адмысловую кнопку.

Інтэрнэт-энцыклапедыя, прысвечаная героям кніг Аляксандра Тамковіча, была праэзентаваная пасля Рады ГА «БАЖ».

Падчас сустрэчы госці, яны ж героі кніг, гаварылі пра важнасць дакументаваць падзеі, занатоўваць думкі і ідэі асобаў нашага часу, пра пераемнасць пакаленняў і досведу.

Прэзентацыю інтэрнэт-энцыклапедыі наведалі шматлікія героі публікацый Аляксандра Тамковіча: былая дэпутатка Алена Анісім, рэжысёры Андрэй Кудзіненка і Андрэй Курэйчык,  філосаф Уладзімір Мацкевіч, праваабаронцы Алег Волчак, Раіса Міхайлоўская, Валер Шчукін, музыка Алесь Камоцкі, вядомы жураналіст Сяргей Ваганаў ды іншыя.