Блогера Сяргея Ціханоўскага зноў асудзілі на 15 сутак. Агулам у ізалятары ён правядзе месяц
10 студзеня 2020
Суддзя Савецкага раёна Гомеля Аляксандр Мохараў 10 студзеня пакараў блогера Сяргея Ціханоўскага новымі 15 суткамі адміністрацыйнага арышту за ўдзел у снежаньскіх акцыях пратэсту ў Мінску супраць паглыбленай інтэграцыі з Расіяй. Пра гэта паведаміў праваабаронца Леанід Судаленка.
Сяргей Ціханоўскі ў судзе 10 студзеня 2020 года. Фота: Мікола Бянько
Ціханоўскага прывезлі на суд з ізалятара часовага ўтрымання УУС Гомельскага аблвыканкама, дзе ён адбываў 15-суткавы арышт за прысутнасць на мітынгу ў сталіцы на пачатку снежня. 11 студзеня блогер мусіў выйсці на волю, але ўлады “накінулі” яму новы адміністрацыйны арышт.
Ціханоўскі будзе пад вартай да 26 студзеня.
Падчас знаходжаня на сутках адміністрацыя ізалятара адмовілася прыняць ад праваабаронцаў для Сяргея Ціханоўскага ваду, сокі і шакалад, не дазваляла яму сустрэцца з адвакатам.
Нагадаем, што раніцай 27 снежня на трасе М5 каля вёскі Лебядзёўка супрацоўнікі Жлобінскай ДАІ затрымалі Ціханоўскага, калі ён ехаў на аўтамабілі прыяцеля ў Мінск. Збіраўся рабіць у сталіцы здымкі для свайго канала “Страна для жизни” на YouTube. Міліцыянты даводзілі, што аўтамабіль, на якім едзе блогер, аб’яўлены Веткаўскім РАУС у вышук.
Відавочна, што сапраўднай мэтай затрымання была дастаўка Сяргея Ціханоўскага ў суд Савецкага раёна Гомеля, дзе яго і пакаралі першым арыштам за ўдзел у мірнай вулічнай акцыі ў абарону незалежнасці Беларусі.
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Детские журналы «Каламбур» и «Один дома» закрываются
19.08.2024
Кошт падпіскі на шматтыражныя прапагандысцкія выданні вырас за год на 14—18%
28.12.2023
Мінінфарм чытае пра сябе і дзяржСМІ ў незалежных медыях. Справаздачу выпадкова апублікавалі
25.06.2024
Кіраўніка «Маланка Медыя» Паўла Марыніча завочна асудзілі да 4 гадоў зняволення
18.03.2024
