Сумесная заява МФЖ і ЕФЖ з нагоды затрымання Сяргея Сацука
1 красавіка 2020
Сяргей Сацук — сябра ГА "Беларуская асацыяцыя журналістаў" (БАЖ). Еўрапейская і Міжнародная федэрацыі журналістаў (EFJ / IFJ) далучаюцца да БАЖ, сваёй членскай арганізацыі, і заклікаюць да неадкладнага вызвалення Сацука і зняцця ўсіх абвінавачанняў супраць яго.
Затрыманы беларускі журналіст Сяргей Сацук, які займаўся журналісцкімі расследваннямі.
Сяргей Сацук, журналіст і галоўны рэдактар інтэрнэт-выдання «Eжедневник», быў арыштаваны 25 сакавіка ў Мінску супрацоўнікамі Дэпартамента фінансавых расследаванняў Камітэта дзяржаўнага кантролю.
Міліцыя пацвердзіла, што Сацук быў дапытаны ў якасці падазраванага па крымінальнай справе. Па словах яго сваякоў і сяброў, ён абвінавачваецца ў атрыманні хабару. Яму пагражае ад 3 да 10 гадоў турэмнага зняволення.
Сяргей Сацук вядомы сваімі журналісцкімі расследваннямі. Яго апошнія гучныя матар’ялы выкрывалі сістэмную карупцыю ў Міністэрстве аховы здароўя Рэспублікі Беларусь. Нядаўна ён раскрытыкаваў рэакцыю беларускага ўрада на пандэмію каранавіруса.
У жніўні 2019 года, Сацук паведаміў БелаПАН пра пра пагрозы, звязаныя з яго прафесійнай дзейнасцю. Ён сказаў, што да яго прыйшоў невядомы чалавек, які перадаў наступнае паведамленне: «калі (ён) не спыніцца, (яго) альбо заб’юць, альбо пасадзяць».
Некалькі месяцаў таму Сацук папрасіў «Еўрарадыё» апублікаваць яго заяву ў выпадку яго арышту. У гэтым тэксце ён апісвае прычыны свайго магчымага арышту і шматлікія пагрозы, што ён раней атрымліваў.
Сяргей Сацук — сябра ГА «Беларуская асацыяцыя журналістаў» (БАЖ). Еўрапейская і Міжнародная федэрацыі журналістаў (EFJ / IFJ) далучаюцца да БАЖ, сваёй членскай арганізацыі, і заклікаюць да неадкладнага вызвалення Сацука і зняцця ўсіх абвінавачанняў супраць яго.
«Затрыманне вядомага журналіста і наступныя допыты супрацоўнікаў «Ежедневника» могуць прывесці да развіцця самацэнзуры ў сродках масавай інфармацыі, якія асвятляюць грамадска-значныя праблемы, у тым ліку карупцыю i распаўсюджванне каранавіруса ў Беларусі», заявіў БАЖ.
«Сяргей Сацук мусіць быць вызвалены неадкладна. Мы падтрымліваем яго і ўсіх журналістаў у Беларусі, якія сталі аб’ектам рэпрэсіўнай палітыкі Беларусі ў галіне свабоды СМІ. Мы чакаем рэакцыі з боку Еўрапейскага саюза», — заявілі Міжнародная і Еўрапейская Федэрацыі Журналістаў (EFJ / IFJ) .
БАЖ призывает материально поддержать семью Сергея Сацука
БАЖ призывает немедленно освободить Сергея Сацука и прекратить уголовное преследование — ЗАЯВЛЕНИЕ
@bajmedia
У Глыбокім падчас рэйду сілавікоў затрымалі адміністратара мясцовага пабліка
25.09.2024
Дом создательницы YouTube-канала «Настоящая Беларусь» выставили на аукцион
15.05.2024
Колькасць зняволеных журналістаў набліжаецца да рэкордна высокага ўзроўню. CPJ прадставіў сваю справаздачу за 2023 год
18.01.2024
Магілёўскі журналіст Сяргей Антонаў мусіў выехаць за мяжу пасля допытаў у КДБ
15.12.2023
