У Пінску памёр журналіст «Медиа-Полесье» Васіль Мацкевіч. У яго ўзялі тэст на каранавірус
11 красавіка 2020
Мінулай ноччу ў рэанімацыі Пінскай раённай бальніцы памёр журналіст сайта «Медиа-Полесье», сябра Беларускай асацыяцыі журналістаў Васіль Мацкевіч.
Пра гэта БАЖ паведамілі родныя журналіста.
Сын журналіста, які кантактаваў з бацькам 3 дні таму, змешчаны ў інфекцыйную бальніцу.
Таксама рэдактару выдання Святлане Гарда патэлефанавалі з Пінскага цэнтра гігіены і эпідэміялогіі і пацікавіліся арганізацыяй працы медыя ў апошні час. І хоць журналісты працавалі аддалена, сказалі, што ўсё роўна будуць праводзіць дэзінфекцыю пінскага офіса, — паведамляе «Медиа-Полесье».
Нашаму калегу было 46 год.
ГА “Беларуская асацыяцыя журналістаў” выказвае глыбокія спачуванні родным і блізкім калегі.
Рэдакцыя Медыя-Палесся просіць усіх неабыякавых людзей паўдзельнічаць у зборы сродкаў для падтрымкі сям’і.
У журналіста засталіся састарэлы бацька і 18-гадовы сын-студэнт. Сын мае патрэбу ў аперацыі, і бацька збіраў грошы на гэта… Не паспеў…
Дапамогу можна пералічыць ТУТ.
@bajmedia
За паўтара гады гомельскія пракуроры ініцыявалі прызнанне «экстрэмісцкімі» больш за 90 інтэрнэт-рэсурсаў
17.06.2024
МУС пацвердзіла «экстрэмісцкі» статус orsha.eu
29.08.2024
«У меня вопросов не возникло». Что ответили в Мининформе о блокировке Youtube в новогоднюю ночь
08.01.2024
Арганізацыя RSF даставіла сотні «паштовак для Марыны» ў амбасады Беларусі
08.11.2023
