Ярмошына «пажартавала» — прапанавала перайменаваць Tut.by

Справа ішла да нерэгістрацыі, хоць галасавання яшчэ не было, таму вядучыя СМІ краіны ўжо выдалі навіну, што Бабарыка не будзе зарэгістраваны.

Адзін з членаў камісіі звярнуў увагу Лідзіі Ярмошынай, што хоць афіцыйна пытанне з Бабарыкам яшчэ канчаткова не вырашана, Tut.by ужо напісаў, што экс-старшыня Белгазпрамбанка не зарэгістраваны.

«Гэта відавочны фэйк, — сказала Ярмошына. — Tut.by трэба перайменавацца ў бальшавіцкую «Іскру». І напісаць: «З іскры разгарыцца полымя».

Праз пару хвілін ЦВК прагаласаваў супраць рэгістрацыі Бабарыкі.