Выбівалі дзверы сякерай. Мастака Кузьміча забралі ў міліцыю на допыт пасля акцыі на ўчастку
10 жніўня 2020
Мастака Аляксея Кузьміча, які правёў мастацкую акцыю на выбарчым участку ў мінскай школе № 44, забралі на допыт у Цэнтральны РАУС. Пра гэта паведаміў Тэлеграм-канал "Нашай Нівы".
Як паведаміў tut.by, мастак намаляваў на бюлетэні фалічны сымбаль, прымацаваў яго сабе на грудзі і так прастаяў, напалову аголены, паўхвіліны. Каб атрымаць бюлетэнь, Аляксей Кузьміч з’явіўся на выбарчы ўчастак ў плашчы да каленаў. Як паведамляе «Радыё Свабода», у такім жа выглядзе Кузьміч выйшаў уначы ў Мінск і стаў перад калёнай тэхнікі, якую выкарыстоўвалі для разгону мітынгоўцаў.
Па інфармацыі Свабоды, з ранку 10 жніўня да мастака ў кватэру ламіліся невядомыя, а потым пачалі выбіваць дзверы сякерай. Каля 13:00 яго затрымалі. Вядома, што Аляксея Кузьміча забралі ў Цэнтральны РАУС нібыта «на допыт па ўчорашнім перфомансе».
@bajmedia
Сярод 20 беларускіх экспертаў, у дачыненні да якіх адкрытая «спецвытворчасць», — тры прадстаўнікі медыясферы
25.01.2024
На гродзенскую журналістку падалі заяву ў міліцыю героі яе публікацыі
21.01.2024
З’явіўся анлайн-слоўнік адпаведнікаў з рускай мовы. Ён змяшчае больш за 77 тысяч слоў і ўстойлівых выразаў
26.12.2023
Журналіст Мікола Дзядок ужо два месяцы знаходзіцца ў ШІЗА
06.08.2024
