Футбольны клуб Дынама-Брэст» не акрэдытываў незалежных журналістаў на гульню Лігі Чэмпіёнаў
18 жніўня 2020
Журналісты Алесь Ляўчук і Мілана Харытонава загадзя накіравалі заяўку на акрэдытацыю ад імя інфармагентцва БелаПАН для асвятлення першай у гісторыі брэсцкага футбольнага клуба гульні ў самым прэстыжным турніры ў Еўропе.
18 жніўня “Дынама-Брэст” сустрэнецца ў сваім горадзе ў матчы першага кваліфікацыйнага раўнда Лігі Чэмпіёнаў супраць клуба “Астана” з Казахстана. Гульня адбудзецца без гледачоў.
Напярэдадні гульні Ляўчуку патэлефанавала прэс-аташэ футбольнага клуба “Дынама-Брэст” Ніна Кананюк і паведаміла, што служба бяспекі адмовіла ў акрэдытацыі. Пры гэтым ніякіх тлумачэнняў наконт гэтай адмовы не прагучала.
Алесь Ляўчук, які 19 гадоў асвятляе футбольныя спаборніцтвы ў якасці журналіста, лічыць гэтае рашэнне палітычна матываваным.
“Усе гэтыя гады мы з Міланай былі бяспечнымі, і таму мне цікава: якую пагрозу нясем ФК “Дынама-Брэст» зараз і чаму рашэнне аб акрэдытацыі прымае не прэс-служба, а служба бяспекі?”, — кажа брэсцкі журналіст.
Алесь Ляўчук мае намер накіраваць скаргу на адмову ў акрэдытацыі ў Саюз еўрапейскіх футбольных асацыяцый (УЕФА), якое з’яўляецца арганізатарам Лігі Чэмпіёнаў.
@bajmedia
Прэзідэнтка ЕФЖ падтрымала палітвязынку Ларысу Шчыракову
13.09.2024
За кратамі памёр Ігар Леднік — публіцыст і грамадскі актывіст, зняволены па абвінавачанні за «паклёп на прэзідэнта»
20.02.2024
«Цяжка займацца нават спортам». Што вядома пра зьняволенага журналіста Алеся Любенчука
08.11.2023
Завочны суд над журналістам Уладзімірам Хільмановічам пачнецца 29 ліпеня ў Гродне
26.07.2024
