Карэспандэнта “Газеты Слонімскай” Яўгена Валадашчука выклікалі на допыт у Следчы камітэт
26 жніўня 2020
У другой палове дня 26 жніўня ў Слонімскі раённы аддзел Следчага камітэта па тэлефоне выклікалі на допыт карэспандэнта “ГС” Яўгена Валадашчука.
Як патлумачылі ў райаддзеле СК, Яўген Валадашчук выклікаецца даць паказанні ў якасці сведкі па крымінальнай справе аб масавых несанкцыяваных мерапрыемствах у Гродзенскай вобласці.
Варта адзначыць, што Яўген Валадашчук як карэспандэнт “Газеты Слонімскай” асвятляе масавыя мерапрыемствы, які праходзяць апошнім часам у Слоніме. А ў сераду, 26 жніўня, у газеце выйшаў яго рэпартаж аб акцыі ў суседняй Зэльве пад загалоўкам “Жыхары Зэльвы: “Мы не апазіцыі — мы большасць!”. Раней Гэты матэрыял ужо быў апублікаваны на сайце “ГС”.
Акрамя Яўгена Валадашчука, на допыт у Слонімскі райаддзел СК па гэтай справе 26 жніўня быў выкліканы грамадскі актывіст і назіральнік на выбарах у Слоніме Алесь Масюк.
@bajmedia
Журналісты-палітэмігранты прадалі кватэру ў Беларусі. Цяпер суд у Гродне хоча адмяніць здзелку
14.06.2024
«Падмануў спонсараў і набыў кватэру». Сацсеткі «Аршанскай газеты» зноў змясцілі паклёпніцкі допіс пра Ігара Казмерчака
02.09.2024
Дачку журналіста Змітра Лупача Святлану будуць судзіць 16 кастрычніка
12.10.2023
Блогер Віталь Усціновіч правёў 25 сутак у ІЧУ за распаўсюд «экстрэмісцкіх матэрыялаў»
12.03.2024
