Міжнародная рэакцыя на масавае пазбаўленне акрэдытацыі журналістаў у Беларусі

Дыпламатычнае ведамства Еўрасаюза

«Журналістам мусіць быць дазволена выконваць сваю працу без запалохванняў і бяз штучных адвольных абмежаваньняў з боку ўладаў — такіх, як затрыманне альбо пазбаўленне акрэдытацыі», — заявіў афіцыйны прадстаўнік кіраўніка дыпламатычнага ведамства Еўрасаюза Жузэпа Бурэля Петэр Стана.

«Апошнія абмежаванні незалежных СМІ, у тым ліку замежных журналістаў, якія маюць акрэдытацыю, непрымальныя і ўяўляюць сабой чарговую спробу ўладаў абмежаваць свабодную плынь інфармацыі», — гаворыцца ў заяве. Петэр Стана нагадвае, што свабода СМІ і свабода інфармацыі — гэта ключавыя складнікі кожнага дэмакратычнага грамадства.

«Замест таго каб запалохваць і перашкаджаць сродкам масавай інфармацыі ў асвятленні падзеяў, уладам варта засяродзіцца на разглядзе і задавальненні патрабаванняў і памкненняў беларускага народа, якія былі выказаныя беспрэцэдэнтна і мірна цягам апошніх некалькіх тыдняў», — сказаў афіцыйны прадстаўнік кіраўніка дыпламатычнага ведамства Еўрасаюза.

Belarus: the EU expects from author­i­ties the imme­di­ate & uncon­di­tion­al release of detained jour­nal­ists, along with ALL peace­ful pro­test­ers. Let #media do their jobs with­out intim­i­da­tion. A #FreeP­ress is cru­cial to the democ­ra­cy demand­ed by the peo­ple of #Беларусь

— Peter Stano (@ExtSpoxEU) August 28, 2020

Заява Амбасады ЗША ў Беларусі

29 жніўня 2020 года

Аб неабходнасці спыніць пераслед і затрыманне журналістаў і блакаванне доступу ў Інтэрнэт у Беларусі.

Мы занепакоеныя працягам пераследу журналістаў, блакаваннем незалежных СМІ і апазіцыйных вэб-сайтаў, перыядычнымі адключэннямі Інтэрнэту і адвольнымі затрыманнямі мірных грамадзян, якія рэалізуюць свае правы на свабоду сходаў і слова.

Мы заклікаем урад Беларусі праявіць стрыманасць. Як запэўніў намеснік дзяржсакратара Біган падчас свайго выступу ў АБСЕ ў Вене і як мы ўжо заяўлялі раней, Злучаныя Штаты Амерыкі заклікаюць да неадкладнага вызвалення несправядліва затрыманых і высвятлення лёсу асоб, зніклых без звестак.

Мы падтрымліваем беларускі народ у яго імкненні да дэмакратычнай, квітнеючай будучыні і падтрымліваем яго заклік да ўрада Беларусі правесці дэмакратычныя рэформы і паважаць правы чалавека і асноўныя свабоды. Мы прытрымліваемся нашага доўгатэрміновага абавязацельства падтрымліваць суверэнітэт і тэрытарыяльную цэласнасць Беларусі, а таксама імкненне беларускага народа выбіраць сваіх лідараў і выбіраць свой уласны шлях без знешняга ўмяшання.

Міністэрства замежных справаў Аўстрыі запатрабавала  спыніць «беспрэцэдэнтную атаку» на журналістаў у Беларусі

Strip­ping jour­nal­ists, incl. those work­ing for for­eign media, off their accred­i­ta­tion, is an unprece­dent­ed attack on media free­dom. Aus­tria con­demns this bla­tant attempt to sup­press objec­tive report­ing and calls on Belaru­sian author­i­ties to imme­di­ate­ly stop tar­get­ing jour­nal­ists!

— MFA Aus­tria (@MFA_Austria) August 29, 2020

«Гэта напад на беларускі народ». Кіраўніца RFE/RL пракамэнтавала пазбаўленьне акрэдытацыі журналістаў

Выканаўца абавязкаў прэзыдэнта Радыё Свабодная Эўропа/Радыё Свабода Дэйзі Сындэлар выступіла з заявай з нагоды пазбаўленьня акрэдытацыі журналістаў.

«Пазбаўленьне нашых журналістаў акрэдытацыі без абгрунаваньня ці прычыны — гэта адчайны крок аўтарытарнага ўраду, каб задушыць незалежныя СМІ і жорстка кантраляваць доступ да вартай даверу інфармацыі ўнутры Беларусі. Гэта парушэньне міжнародных стандартаў і напад на беларускі народ, які спадзяецца на нас».

Спіс журналістаў, якіх пазбавілі акрэдытацыі для працы ў Беларусі

EFJ: Аккредитация не должна служить инструментом для контроля контента или ограничения информации