• Актуальнае
  • Медыяправа
  • Карыснае
  • Кірункі і кампаніі
  • Агляды і маніторынгі
  • Рэкамендацыі па бяспецы калег

    Гродна: дзяржаўныя тэлеканалы разгарнулі цкаванне Руслана Кулевіча

    Цягам апошніх некалькі тыдняў дзяржаўныя СМІ разгарнулі інфармацыйную вайну супраць сябра ГА “БАЖ”, журналіста гродзенскага анлайн-выдання Hrodna.life Руслана Кулевіча.  

    Журналіст быў гвалтоўна затрыманы міліцыянтамі 11 жніўня ў цэнтры Гродна ў памяшканні крамы. У момант інцыдэнту Руслан быў абазначаны камізэлькай з надпісам “Прэса”. Падчас затрымання яго жорстка збілі, абвінавацілі ва ўдзеле ў несанкцыянаванай вулічнай акцыі і да суда змясцілі пад варту ў ізалятар часовага ўтрымання.

    12 жніўня на падставе міліцэйскага пратакола суд прызнаў Руслана Кулевіча вінаватым і пакараў арыштам. Выйшаўшы на волю, журналіст звярнуўся па медыцынскую дапамогу:  урачы дыягнаставалі ў яго пералом абедзвюх рук у вобласці кісцяў, закрытую чэрапа-мазгавую траўму і струс мазгоў. Некалькі тыдняў Руслан правёў у лякарні.

    Адразу пасля вызвалення журналіст стаў атрымліваць ананімныя пагрозы, таксама невядомыя размясцілі ў інтэрнэце асабістыя звесткі пра яго сям’ю і зневажальную інфармацыю.

    А некалькі дзён таму ў эфіры дзяржтэлеканалаў прадэманстравалі фільм “Протест наизнанку” — нібыта дакументальнае кіно ад Агенцтва тэлевізійных навін, дзе згадваецца Руслан Кулевіч.

    “Гэту перадачу паказалі, мабыць, па ўсіх дзяржаўных тэлеканалах. І гэта ўжо быў чацвёрты раз, калі пра Руслана ўзгадалі. Прычапіліся да яго рук — што нібыта ні адна костка не была зламаная. І круцяць гэтую тэму проста бясконца”, — звяртае ўвагу галоўны рэдактар Hrodna.life Аляксей Шота.

    Паводле яго слоў, пасля лякарні журналіст знаходзіцца на рэбілітацыі, рэдакцыя дала яму невялікі адпачынак, каб аднавіў здароўе. Зараз “самы хуткі гарадзенскі журналіст” працуе з дому дыстанцыйна.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    02.11.2023
    Акцэнты

    «Юмор может работать как подорожник». Топ самых ярких сатирических проектов Беларуси

    Юмор считают лакмусовой бумажкой общества. Чем оно здоровее, тем спокойнее реагирует на шутки и иронию, направленные на внутренние проблемы. Белорусам, три года пребывающим в затяжном, беспросветном политическом и экономическом кризисе, сатира помогает выстоять и уцелеть. А вот диктатура боится смеха как огня. «Не Славой Комиссаренко единым», — подумал БАЖ и сделал обзор самых улетных юмористических проектов, высмеивающих сегодняшнюю страшную реальность.
    12.12.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці