«Любыя СМІ маюць права выказваць свой пункт гледжання». Мінінфарм не пакарае БТ за фэйк пра мітынг у Жлобіне
27 верасня 2020
21 жніўня ў «Панараме» на БТ-1 паказалі груба змантаваны сюжэт з мітынгу ў Жлобіне. У ім людзі нібыта крычалі «Сыходзь!» Марыі Калеснікавай. Насамрэч натоўп скандаваў «Лукашэнка, сыходзь!». А ваенны камісар Андрэй Крываносаў з мегафонам спрабаваў сарваць выступ.
Некалькі гледачоў накіравалі зварот у Мінінфарм з гэтай нагоды. Паскардзіліся, што БТ прадставіла лжывы зманціраваны ролік і папрасілі вынесці тэлеканалу афіцыйнае папярэджанне.
Адказ на гэты зварот аказаўся ў распараджэнні «Нашай Нівы». Вось што ў ім напісана:
«На думку рэдакцыі тэлепраграмы «Беларусь 1», ва ўказаным вамі відэароліку мужчына з мегафонам у руках і людзі, якія стаяць побач, крычаць «Сыходзь!» у адрас тых, хто парушае норму КаАП (маецца на ўвазе артыкул 23.34 аб правядзенні масавых мерапрыемстваў. — «НН»).
Паведамляем, што любы сродак масавай інфармацыі мае права выказваць свой пункт гледжання па канкрэтнай сітуацыі, выконваючы пры гэтым патрабаванне дзеючага заканадаўства».
Мінінфарм дадала, што не мае дакладнай інфармацыі пра тое, што насамрэч адбывалася падчас здымкі. І адмовілася прымаць меры рэагавання ў дачыненні да Белтэлерадыёкампаніі.
@bajmedia
У Берліне адбудзецца кінапаказ праекта VisiBYlity — пра жыццё i творчасць беларусаў у выгнанні
19.06.2024
Вядомага беларускага журналіста Андрэя Мялешку не пусцілі ў Грузію, дзе ён жыў апошнія гады
16.09.2024
Збор сродкаў! Віцебскаму журналісту Аляксандру Корнышаву патрэбна дапамога ў сувязі з аперацыяй
05.02.2024
Адвакаты Гнёта маюць намер абскардзіць рашэнне аб яго высылцы ў Беларусь — Офіс Ціханоўскай
14.06.2024
