Фотакор «Новага Часу» Яна Трусіла атрымала 13 сутак арышту
2 лістапада 2020
20-гадовая пазаштатная карэспандэнтка "Новага Часу" Яна Трусіла атрымала ад суддзі Кастрычніцкага суда Мінска Алены Жывіцы 13 сутак адміністрацыйнага арышту.
Нагадаем, учора Яна была затрыманая падчас працы на Маршы. Яна была адной з трох фотакарэспандэнтаў «Новага Часу», якія працавалі ўчора на акцыі. І усіх трох учора затрымалі.
Да поздняга вечару Яна знаходзілася ў Кастрычніцкм РУУС, пасля яе перавезлі ў ІЧУ на Акрэсціна. Калі адбудзецца суд, маці Яны спрабавала высветліць з самага ранку. Яна звярталася і ў канцэлярыю і да памочніка суддзі Жывіцы. Аднак ёй ніхто нічога не паведамляў. То справы яшчэ не прыйшлі, то суду не было і калі будзе не вядома, то вынікаў яшчэ няма.
І толькі пасля 15‑й гадзіны, пасля настойлівых патрабаванняў маці, у канцэлярыі глянулі ў базу і паведамілі, што Яна атрымала 13 сутак паводле арт. 23.34 і 23.4.
Пакуль невядомы прысуд яшчэ аднаго фотакора «НЧ» Аляксандра Зяньковіча.
@bajmedia
Супраць блогера Андрэя Павука распачалі справу паводле 13 крымінальных артыкулаў
19.03.2024
Генпракуратура перадала ў суд справу «аналітыкаў Святланы Ціханоўскай». Сярод абвінавачаных — журналісты Юры Дракахруст і Ганна Любакова
30.04.2024
Кіберпартызаны ўзламалі БелТА
31.12.2023
ААЦ масава адбірае дамены ў выданняў, якія трапілі ў Рэспубліканскі спіс экстрэмісцкіх матэрыялаў
17.04.2024
