Прысуды брэсцкім журналістам пакінулі ў сіле, Максім Хлябец і Раман Чмель зноў за кратамі
6 лістапада 2020
Брэсцкі абласны суд пакінуў у сіле ранейшыя рашэнні арыштаваць журналістаў Максіма Хлябца і Рамана Чмяля на 15 сутак арышту за нібыта ўдзел у акцыі 18 кастрычніка.
Журналісты асвятлялі акцыю пратэсту, былі абазначаныя і мелі пры сабе пасведчанні. Нягледзячы на гэта, іх трое сутак пратрымалі ў ізалятары часовага, а пасля прысудзілі да арыштаў.
Цікава, што пасля судоў журналістаў не арыштавалі, а далі магчымасць абскардзіць рашэнні. У сераду (Раману Чмялю) і сёння (Максіму Хлябцу) Брэсцкі абласны суд пакінуў арышт у сіле.
Рамана Чмяля затрымалі яшчэ ў будынку суда, а Максім Хлябец сёння сам прыехаў у ізалятар. Журналістам засталося “дасядзець” па 12 сутак.
БАЖ заклікае калег пісаць журналістам лісты ў ізалятар: ІЧУ Ленінскага РАУС Брэста, 224001, Брэст, Паўночны гарадок, 10.
@bajmedia
Вярхоўны суд пакінуў у сіле вырак Алесю Марчанку, асуджанаму па абвінавачанні ў супрацы з «Белсатам»
04.06.2024
Рэдактара «Рэгіянальнай газеты» Аляксандра Манцэвіча перавялі ў івацэвіцкую калонію
20.02.2024
Православного священника оштрафовали за подписку в инстаграме на журналиста Руслана Кулевича
04.10.2023
Алег Агееў: «Беларусь мэтанакіравана пагаршае сітуацыю з медыямі»
22.07.2024
