Мінінфарм не адмяняе кніжную выставу — і выдаткуе на яе 160 тысяч рублёў

— У першай дэкадзе лютага ў Беларусі штогод праходзіць найбуйнейшы міжнародны форум — Мінская міжнародная кніжная выстава-кірмаш. Яна традыцыйна збірае вялікую колькасць прадстаўнікоў далёкага і блізкага замежжа, грамадзян Беларусі, — заявіў у кастрычніку мінулага года намеснік міністра інфармацыі Ігар Бузоўскі.

З дакументаў па тэндары мы даведваемся, што на выставу плануецца запрасіць 300 чалавек. У тэндар уваходзіць арганізацыя сімпозіума літаратараў «Пісьменнік і час», цырымонія ўзнагароджання пераможцаў конкурсаў «Мастацтва кнігі» і «Першацвет», арганізацыя і правядзенне пісьменніцкага стартапа (!), арганізацыя прыёму афіцыйных дэлегацый, вядзенне сацсетак (face­book, vk.com, insta­gram) і анлайн-вяшчанне на youtube-канале.