Фігурантам «справы Прэс-клуба» працягнулі тэрмін утрымання пад вартай на 2 месяцы
23 лютага 2021
Да 23 красавіка за кратамі застануцца заснавальніца Прэс-клуба Беларусь (Press Club Belarus) Юлія Слуцкая, яе сын Пётр Слуцкі, Ала Шарко, Сяргей Альшэўскі. Інфармацыі пра Ксенію Луцкіну няма, але, відаць, меру стрымання працягнулі і ёй.
22 снежня 2020 года офісе «Прэс-клуба» і дома ў шэрагу яго супрацоўнікаў прайшлі ператрусы і агляды. Пасля гэтага было затрымана шэсць чалавек: Юлія Слуцкая, праграмны дырэктар Ала Шарко, дырэктар Сяргей Альшэўскі, праграмны дырэктар Акадэміі «Прэс-клуба» Сяргей Якупаў, аператар Пётр Слуцкі (сын Юліі Слуцкай), а таксама Ксенія Луцкіна — былая супрацоўніца Белтэлерадыёкампаніі, звязаная з праектам «альтэрнатыўнага тэлебачання» на YouTube, дачыненне да якога мела Акадэмія «Прэс-клуба».
Юлію Слуцкую падазраюць ва ўхіленні ад выплаты падаткаў у асабліва буйным памеры, Шарко, Альшэўскага, Луцкіну, Слуцкага — у саўдзеле. 31 снежня Слуцкай, Альшэўскаму, Слуцкаму і Луцкіной былі прад’яўленыя абвінавачванні, Якупова дэпартавалі ў Расію без прад’яўлення абвінавачвання. У пачатку студзеня сваякі арыштаваных пералічылі на рахунак Следчага камітэта амаль 110 тыс. рублёў як забеспячэнне кампенсацыі магчымай шкоды.
Беларускія праваабаронцы прызналі затрыманых супрацоўнікаў «Прэс-клуба» палітвязнямі.
@bajmedia
Папаўненне ў «экстрэмісцкім спісе» Мінінфарма: акаўнты «Народный репортер» і Сяргея Пятрухіна ў TikTok
18.06.2024
«Нагадваць пра беларускіх журналістаў за кратамі і наогул пра ўсіх нашых палітвязняў». Відэа Акцыі салідарнасці
08.05.2024
Журналісты ў зоне баявых дзеянняў: 24 лютага БАЖ і Саюз журналістаў Літвы адкрыюць выставу, прысвечаную ўкраінскім медыйшчыкам
18.02.2024
Перцов будет отвечать за идеологию и пропаганду в администрации Лукашенко
08.04.2024
