«Брестской газете», якую не друкуюць, чыноўнікі прапануюць падпісацца на раёнку
11 сакавіка 2021
Рэдакцыя "Брестской газеты" 10 сакавіка атрымала ад райвыканкама ліст з прапановай падпісацца на другі квартал на дзяржаўную раёнку "Заря над Бугом". Ліст прыйшоў на электронную пошту рэдакцыі, піша выданне.
Чыноўнікі падкрэсліваюць, што дзяржаўная раёнка — «адзіны сродак масавай інфармацыі ў раёне, які даводзіць да чытачоў нарматыўна-прававыя акты, якія прымаюцца райвыканкамам і раённым Саветам дэпутатаў».
Пра вынікі падпіскі прапаноўваецца паінфармаваць аддзел ідэалагічнай работы, культуры і па справах моладзі райвыканкама да 24 сакавіка. У справаздачы трэба адзначыць колькасць тых, хто працуе / колькасць індывідуальных падпісчыкаў.
Ліст, мяркуючы па адрасах у рассылцы, атрымалі 30 прадпрыемстваў і арганізацый.
Як паведамляла Еўрарадыё, з Новага года «Брестская газета» перастала выходзіць на паперы. Напрыканцы лістапада мясцовая друкарня адмовілася працягваць кантракт на друк. Пасля гэтага рэдакцыя так і не знайшла ў краіне друкарню, якая пагадзілася б друкаваць выданне.
@bajmedia
Апеляцыйны суд у Сербіі адмяніў экстрадыцыю Андрэя Гнёта. Але журналіст застаецца пад арыштам
12.09.2024
Cайт kyky.org прыпыняе працу праз праблемы з фінансаваннем
13.01.2024
Працягваецца збор на падтрымку Андрэя Гнёта
16.09.2024
У Беларусі можа з’явіцца новы тэлеканал з навінамі прапаганды нон-стоп — што вядома?
28.03.2024
