Журналісты Анджэй Пісальнік і Інэса Тодрык-Пісальнік з’ехалі з Беларусі
23 красавіка 2021
Рэдактары сайта незарэгістраванага Саюза палякаў ZnadNiemna.pl, журналісты Анджэй Пісальнік і Інэса Тодрык-Пісальнік вымушана пакінулі Беларусь з-за пагрозы іх арышту і забрання з сям'і малога сына, паведамляе reform.by
Як распавёў сам Анджэй Пісальнік, 14 красавіка яго выклікалі ў пракуратуру Гродна, дзе пракурор заявіў, што яго дзейнасць шкодзіць нацыянальным інтарэсам Беларусі і ён можа быць прыцягнуты да крымінальнай адказнасці па артыкуле аб распальванні нацыянальнай варожасці, а таксама аб рэабілітацыі нацызму (арт.130).
У прыватнасці вялося пра яго каментары польскім СМІ.
На наступны дзень да Пісальнікаў прыйшлі сілавікі і адвезлі на допыт у Следчы камітэт у Мінску. 11-гадовы сын Марцін пры гэтым застаўся дома адзін без нагляду. Дапытвалі мужа і жонку як сведак па крымінальнай справе неафіцыйнага Саюза палякаў. Пасля допыту, які доўжыўся цэлы дзень, іх адвезлі назад у Гродна, даўшы зразумець, што іх статус па справе можа змяніцца, сказаў журналіст.
Пасля гэтага сям’я вырашыла пакінуць Беларусь, каб пазбегнуць арышту і дзеля бяспекі дзіцяці. Пісальнікі плануюць працягваць падтрымліваць працу сайта.
Раней прадстаўнікі незарэгістраванага Саюза палякаў Беларусі Анжаліка Борыс, Андрэй Пачобут, Марыя Цішкоўская, Ганна Панішава, Ірэна Бярнацкая прызнаныя палітвязнямі. Яны артыштаваныя па арт. 130.
@bajmedia
Галоўную рэдактарку газеты «Мозырский нефтепереработчик» асудзілі за «экстрэмізм»
11.07.2024
Выклікалі на працу, а адвезлі ў РУУС — падрабязнасці затрымання аператара АНТ Антона Казельскага
23.05.2024
Даследаванне: каля 30% беларускіх і расійскіх журналістаў пасля эміграцыі сышлі з прафесіі
22.11.2023
Міністр інфармацыі звінаваціў «раёнкі» Віцебшчыны ў непрафесіяналізме
04.12.2023
