У Кіеве дзень памяці Паўла Шарамета завяршыўся акцыяй пратэсту каля Міністэрства ўнутраных справаў. ФОТА
20 ліпеня 2021
Грамадзкія актывісты, сябры і калегі абвінавачаных у забойстве журналіста Паўла Шарамета ўвечары 20 ліпеня прыйшлі да будынку Міністэрства ўнутраных справаў Украіны з патрабаваньнем спыніць перасьлед людзей, якіх пратэстоўцы лічаць невінаватымі ў злачынстве, і перадаць справу на расьсьледаваньне з Нацыянальнай паліцыі ў іншыя органы дасудовага расьсьледаваньня.
Удзельнікі акцыі заклікалі сьледчых шукаць сапраўдных забойцаў журналістаў, а не «прызначаць на іх ролю невінаватых людзей».
Паводле адвакатаў, якія выступілі на акцыі, у матэрыялах справы адсутнічаюць доказы вінаватасьці Андрэя Антоненкі, Юліі Кузьменкі і Яны Дугар. Абаронцы паведамілі, што ім не дазволілі знаёміцца з матэрыяламі, якія сьледзтву перадаў былы намесьнік камандзіра баявой групы антытэрарыстычнага падразьдзяленьня МУС Беларусі «Алмаз» Ігар Макар.
Удзельнікі акцыі таксама патрабавалі правесьці ўнутранае расьсьледаваньне ў Нацыянальнай паліцыі, каб пакараць тых, хто, паводле іх, фальсыфікаваў справу.
У ахове грамадзкага парадку былі задзейнічаныя сілы Нацыянальнай гвардыі і паліцыі, якія ахоўвалі міністэрства. Каб трапіць на акцыю, паліцэйскія прасілі журналістаў і ўдзельнікаў паказаць ім свае сумкі і заплечнікі, запытваючыся пра наяўнасьць небясьпечных рэчываў.
Акцыя прайшла без інцыдэнтаў.
@bajmedia
На сайт беларускага спартовага партала «Трыбуна» адбылася DDoS-атака
15.04.2024
Суполку незалежнага сайта «Медиа-Полесье» ў Facebook абвесцілі экстрэмісцкай
23.05.2024
«Меня брали, как будто я там Усама бин Ладен какой-то». Стример и главред iXBT Games вышел после «суток» и рассказал о своем задержании
27.03.2024
Сайты «Радыё Свабода», «Салідарнасці» і мноства акаўнтаў медыяў у сацсетках — «экстрэмісцкія матэрыялы»
08.12.2023
