У «справе БелаПАН» сьведкамі на допыт выклікаюць журналістаў агенцтва
19 кастрычніка 2021
Журналіста Паўла Дабравольскага выклікалі на допыт у Галоўнае ўпраўленьне ўнутраных спраў Менскага гарвыканкаму. Паводле папярэдняй інфармацыі, гэта зроблена ў рамках справы агенцтва БелаПАН.
«Калі допыт перадаручылі міліцыі, значыць, гэта на вашу карысьць. Відавочна, у Сьледчым камітэце зашываюцца з пратэстнымі справамі, а міліцыянт, хутчэй за ўсё, ня ў курсе, будзе дапытваць фармальна, паводле шаблёну. Тым ня меней, у рэдакцыі параілі ўзяць цёплыя шкарпэткі. Умеююць падбадзёрыць», — падзяліўся Павал Дабравольскі перад выхадам да сілавікоў.
У справе БелаПАН сёлета ў жніўні праваахоўнікі затрымалі галоўную рэдактарку інфармацыйнай кампаніі Ірыну Леўшыну і былога кіраўніка Дзьмітрыя Наважылава. Абодвух вінавацяць і фінасавых парушэньнях, іншыя супрацоўнікі праходзяць сьведкамі.
18 кастрычніка ў Ірыны Леўшынай і Дзьмітрыя Наважылава заканчваліся два месяцы ўтрыманьня пад вартай, аднак напярэдадні меркаванага выхаду на волю тэрміны зноў працягнулі.
@bajmedia
У Віцебску затрымалі былога выдаўца і распаўсюджвальніка незалежнай прэсы Барыса Хамайду
24.01.2024
У новы склад Каардынацыйнай рады ўвайшлі журналісты і блогеры
29.05.2024
Анджэй Пачобут застаецца без неабходных яму лекаў і знаходзіцца ў ізаляцыі
26.10.2023
Былога відэааператара Андрэя Толчына вінавацяць у экстрэмізме
27.11.2023
